Read Batak Toba PSALMEN 7 Bible Online

PSALMEN 7 - Batak Toba bible

PSALMEN 7

¹Ende sian si Daud, na niendehonna tu Jahowa, ala ni hatahata ni si Kus, marga Benjamin i. [56†] I.

²Ale Jahowa, Debatangku, * marhaposan tu Ho do ahu, tumpahi ma ahu maradophon sude angka na mangalele ahu, jala palua ahu! [57†]

³Asa unang disoro hosangku, songon panoro ni * singa, jala diparsurage, soada na paluahon. [58†]

⁴Ale Jahowa, Debatangku, molo tung hubahen angka indi on: Molo tung hajahatan diulahon tanganku. [59†]

⁵Molo tung hubahen na roa tu angka alealengku jala hupupusi na manosak ahu, soada alana: [60†]

⁶Sai * dilutlut musu i ma hosangku, jala dapotsa, diluntakluntak ma dohot ngolungku tu tano, jala margulu di orbuk hamuliaonku dibahen. Sela. [61†]

⁷* Hehe ma Ho, ale Jahowa, di bagasan rimasmu! Borhat ma Ho mangalo roharoha ni angka na manosak ahu, jala dungo ma Ho mandapothon ahu, ai Ho do umpatik uhum. [62†]

⁸Sai dihaliangi luhutan ni angka bangso ma Ho sogot jala sian * atasnasida ma Ho mulak tu ginjang. [63†]

⁹Jahowa do manguhum angka bangso; sai luluhon ahu, ale Jahowa, * hombar tu hatigoranku dohot halidangon ni rohangku di bagasan. [64†]

¹⁰Aut mansohot ma nian * hajahaton ni angka parjahat! Sai pargogoi ma na tigor roha i! Ai + Ho do sidodo roha dohot pia, bonar do Debata. [65†] II.

¹¹Mangasahon Debata do lombulombungku, Ibana do manumpahi angka na tigor roha i. [66†]

¹²* Panguhum na tigor do Debata, jala mangalumbai do Ibana ganup ari. [67†]

¹³Molo so muba rohaniba, * garutonna ma podangna, + sintahonna ma dohot siorna manuju. [68†]

¹⁴Angka pangalo hamatean do ditujuhon dompak iba, mantat api do angka * sumbiana i dibahen. [69†]

¹⁵Ida ma! Dirianrianhon rohana do hajahaton; gabe dapotan hamagoan ibana, jala ditubuhon sipaotooto. [70†]

¹⁶Dihali do sada godung jala bagas dibahen, hape laos ibana sandiri madabu tu godung, na binahenna i. [71†]

¹⁷Mulak tu uluna do hamagoanna i, jala songgop tu pakpak ni uluna do hajahatonna i. [72†]

¹⁸Pujionku do Jahowa hombar tu hatigoranna i, jala endehononku do Jahowa Natumimbul i.