Read Batak Toba PSALMEN 71 Bible Online

PSALMEN 71 - Batak Toba bible

PSALMEN 71

¹I. [1] Marhaporusan tu Ho do ahu, ale Jahowa, ndang tagamon murak ahu salelenglelengna. [860†]

²Sai luahon ma ahu marhitehite hatigoranmu, jala palua ahu, sai paeleng ma pinggolmu tu ahu jala urupi ahu.

³Sai Ho ma gabe partanobatoan di ahu, tau inganan bongotanku tongtong; nunga pola diparbaga Ho urupanmu ahu, ai Ho do * partanobatoanku jala haporusanku. [861†]

⁴Ale Debatangku, sai palua ma ahu sian tangan ni parjahat i, sian tangan ni pargeduk dohot sibahen gogo.

⁵Ai * Ho do pangkirimonku, ale Tuhan Jahowa, nalom ni rohangku sian sietehetehonku. [862†]

⁶Naung * mangunsande tu Ho do ahu sian bortian, Ho do siparmudu ahu sian butuha ni dainang, sai Ho do tongtong pujionku. [863†]

⁷Jadi sobokkon parhalongangan ni torop halak do ahu, alai Ho do haporusanku na gonting. [864†]

⁸Sai gok pujipujianmu ma pamanganku, gok hamuliaonmu manipat ari. [865†]

⁹Sai * unang bolongkon ahu di tingki + haubanonku, molo maol suda gogongku unang tadingkon ahu. [866†]

¹⁰Ai dipahatahata angka musungku do ahu, jala rap martuptup i do angka na mangarop hosangki. [867†]

¹¹Angka ninna do: Nunga ditadingkon Debata ibana, lotongi jala soro hamu ma ibana, ai ndang adong sipalua.

¹²Ale Debata, sai unang paholang sian ahu, ale Debatangku, hapogani ma mangurupi ahu. [868†]

¹³Ingkon murak ma nian jala siap angka sialo hosangki, sai dihungkupi hailaon dohot haurahon ma angka silului hinamagongku. [869†] II.

¹⁴Alai anggo ahu sai * tong do marhaposan, jala manambai pujipujianmu sudena. [870†]

¹⁵Sai baritahonon ni pamanganku do hatigoranmu, ganup ari hatuaonmu, * ai ndang huboto bilanganna. [871†]

¹⁶Sai harohononku do angka pambahenan hagogoan ni Tuhan Jahowa, sai hatigoranmu sandiri do pujionku. [872†]

¹⁷Ale Debata, sai Ho do mangajari ahu sian sietehetehonku, jala * rasirasa nuaeng sai hupaboaboa do halongangan angka na binahenmi. [873†]

¹⁸Nang sahat di hadohungon dohot haubanon, * sai unang tadingkon ahu, ale Debata, paima hubaritahon tanganmu tu na pinompar, + hagogoonmu tu saluhut angka na ro sogot. [874†]

¹⁹Tolhas ro di banua ginjang do hatigoranmi, ale Debata, nunga dijadihon Ho angka halongangan bolon, tung ise ma songon Ho, ale Debata? [875†]

²⁰Nunga torop angka hagogotan dohot hinamago dipasonggop Ho tu hami, sai ulahanmu do pangoluhon hami, jala enetonmu do hami muse tu ginjang sian angka lung ni tano on. [876†]

²¹Sai ambaanmu do habalgaonki jala ulahanmu do mangapul ahu.

²²* Ahu pe antong, pujionku ma Ho mardongan uninguningan, habonaronmu, ale Debatangku; endehononku ma Ho mardongan arbap, ale + Nabadia ni Israel! [877†]

²³Ingkon marolopolop ma bibirhu, ai endehononku ma Ho, nang tondingku, naung tinobusmi.

²⁴Dohot do dilangku mangendehon hatigoranmi manipat ari, asa maila jala murak angka na mangalului hinamagongku. [878†]