Read Batak Toba PSALMEN 72 Bible Online

PSALMEN 72 - Batak Toba bible

PSALMEN 72

¹Sian si Salomo. I. [1] Ale Debata, sai pasahat ma angka panguhummu tu rajai, jala hatigoranmu tu anak ni rajai. [879†]

²Asa diuhum bangsom marhitehite hatigoran, jala maruli uhum angka na dangolmu.

³Asa marparbuehon hadameon angka dolok di bangso i, jala maruli hatigoran angka robean. [880†]

⁴Sai patingkosonna do uhum tu angka na dangol ni bangso i, tumpahanna do angka anak ni na pogos, jala ropuhanna do sibahen gogo. [881†]

⁵Sai Ho ma dihabiari halak saleleng adong mata ni ari, jala saleleng tarida bulan marsundutsundut. [882†]

⁶Sai tuat ma Ibana songon pangonai ni udan tu padang na sinabi, songon udan nene na mamornohi tano. [883†]

⁷Martunasi ma di angka arina i partigor i, jala manimbukbuk hadameon ro di na so adong be bulan. [884†]

⁸Jadi Ibana ma mangarajai sian * laut sahat tu laut, jala sian batang aek i sahat ro di angka ujung ni tano on. [885†]

⁹Ingkon marsomba di jolona angka pangisi ni halongonan, jala * dilatan ni angka musuna orbuk. [886†]

¹⁰Boanon ni angka raja sian Tarsis dohot angka pulo ma sombasomba, angka raja sian Seba dohot Etiopia manaruhon silehonlehon. [887†]

¹¹Jala sombaon ni sude raja Ibana, luhut do angka parbegu mangoloi Ibana. [888†]

¹²Ai paluaonna ma na pogos na joujou dohot na dangol na so marpangalualuan. [889†]

¹³Olananna do na metmet dohot na pogos, jala paluaonna do angka tondi ni angka na pogos.

¹⁴Paluaonna do tondinasida sian pangarupaon dohot sian parhilangon, jala na arga situtu do * mudarnasida di rohana. [890†] II.

¹⁵Sai mangolu do ibana jala lehononna tu Ibana * sere sian Seba; jala + tangiangkononna do Ibana tongtong, pasupasuonna do Ibana ganup ari. [891†]

¹⁶Jadi gabe situtu ma eme di tano on ro di punsu ni angka dolok, * humaras ma parbuena, songon Libanon, jala martumburi nasida jolma i sian huta, songon + duhut ni tano on. [892†]

¹⁷Sai hot ma goarna i ro di salelenglelengna, sai muap ma baritana saleleng adong mata ni ari, asa * maruli pasupasu nasida di bagasan Ibana, luhut angka parbegu martuahon Ibana. [893†]

¹⁸Pinuji ma Debata Jahowa, Debata ni Israel, * sasadasa do mambahen angka halongangan. [894†]

¹⁹Pinuji ma dohot goar ni hamuliaonna i ro di salelenglelengna, jala gok hasangaponna ma liat portibi on! Amen! Amen! [895†]

²⁰Marujung ma angka tangiang ni si Daud, anak ni si Isai.