Read Batak Toba PSALMEN 73 Bible Online

PSALMEN 73 - Batak Toba bible

PSALMEN 73

¹Ende sian si Asap. I. [1] Mardenggan basa mamolin do Debata maradophon Israel, angka * na ias marroha. [896†]

²Alai anggo ahu, tarsulandit ne ma tothu, tinggang ne do ahu. [897†]

³Ai mangiburu do rohangku mida angka na jungkat roha, dung huida * hasonangan ni angka parjahat. [898†]

⁴Ai ndang adong parniahapannasida rasirasa mate nasida, tambos do dagingnasida i.

⁵Ndang marhangaluton nasida songon jolma na asing, jala ndang marsipalsipal nasida songon jolma na asing. [899†]

⁶Dibahen i marhorungkorungkon ginjang ni rohanasida, jala maruloshon parhilangon.

⁷Pola songon na * bosol matanasida dibahen mokmokna, + disalpui nasida do angka pingkiran ni roha. [900†]

⁸Sai mangarehei dohot pahatahata pangarupaon do nasida mangasahon hajahaton, sai tumindi do pangkulingnasida i.

⁹Hira ulpuhan sian banua ginjang do pandok ni pamangannasida, jala guru dok ni dilanasida do tano on. [901†]

¹⁰Dibahen i dohot do * bangsona marbalik tusi, jadi butongan ma nasida manobur aek. [902†]

¹¹Angka didok nasida ma: Tung adong ma diboto Debata? Jala ndang adong parbinotoan di Natumimbul i. [903†]

¹²Ida ma, i ma angka parjahat sai mardohar salelenglelengna, lam tu suksukna hamoraonnasida.

¹³* Tung na so marniula do hape na hupapita i rohangki, jala na + huburii tanganku di bagasan hapitaon? [904†]

¹⁴Jala na huae i na porsuk ganup ari, jala na hona pinsang ahu ganup manogot?

¹⁵Tung sura hudok: Marpangkuling songon nasida ma ahu, ida ma na manjehehon * pinompar ni angka anakmu do ahu disi. [905†] II.

¹⁶Dung i sai hupingkiri asa dapot rohangku nian, hape mamaolhu do. [906†]

¹⁷Paima bongot ahu tu angka inganan ni Debata na badia i, hutangkastangkasi * ujungnasida i. [907†]

¹⁸Hape landit situtu do hajongjongannasida dibahen Ho, didabuhon Ho do nasida tu hamagoan. [908†]

¹⁹Satongkin situtu mago nasida so pangkirimanna, ripur jala lekse do nasida dibahen hinamago na jorbut situtu.

²⁰Songon pangalaho ni nipi, ia dung ngot, songon i do lea ni roham, ale Tuhan, mida sumansumannasida di huta. [909†]

²¹Saleleng margorokgorok rohangku jala songon na ginirik piangku.

²²Maoto do ahu jala * ndang adong huboto; sobokkon pinahan do ahu maradophon Ho. [910†]

²³Alai sai marsihohot ahu tu Ho, ditiop Ho do tanganku siamun. [911†]

²⁴Sai toguonmu do ahu marhitehite * sangkap ni roham jala jangkononmu do ahu muse + tu hasangapon. [912†]

²⁵Tung ise ma donganku di angka banua ginjang? Jala dungkon ni Ho ndang adong dihalomohon rohangku di tano on.

²⁶Nang pe merus sibukku dohot rohangku, sai Debata do partanobatoan ni rohangku jala parjambaranku salelenglelengna. [913†]

²⁷Ai ida ma, sai na laho mago do angka na paholang dirina sian Ho; disiaphon Ho do sude angka * na mangose padan maradophon Ho. [914†]

²⁸Alai anggo ahu -- untungku do * hasolhoton tu Debata; haposanku do hubahen Tuhan Jahowa, asa + hubaritahon angka pambahenanmu sudena. [915†]