Read Batak Toba PSALMEN 74 Bible Online

PSALMEN 74 - Batak Toba bible

PSALMEN 74

¹Ende sipodaon sian si Asap. I. [1] Ale Debata, boasa tung tongtong hami bolongkononmu, martimburak rimasmu mida * birubiru angka na pinarmahanmu? [916†]

²Sai ingot ma huriami, na tinobusmu nahinan, na pinaluam gabe * marga parjambaranmu, dolok + Sion on, na niingananmu. [917†]

³Sai pasintak ma angka langkam monopot angka parsiragongan salelenglelengna, tung luhutna do disiaphon musu i di bagasan habadiaon i. [918†]

⁴Marsurak do angka alom di bagasan * undungundung parluhutanmu, angka dipajongjong do + tandanasida bahen partinandaan. [919†]

⁵Songon na mangalbangkon tangke di tombak longolongo do pangalahona idaon. [920†]

⁶Jala ia nuaeng ditahahon be do tangke dohot baliung tu * uhiruhirnai. [921†]

⁷Disurbu nasida do bagas habadiaonmu, diramuni do gabe tano inganan ni goarmu. [922†]

⁸Angka ninna do di bagasan rohanasida be: Tasiaphon ma nasida sude! Gor ma sude * bagas parluhutan ni Debata di luat i dibahen nasida. [923†]

⁹Ndang huida hami be angka partinandaanmi, ndang adong be panurirang, jala ndang adong sian hami na umboto manang sadia leleng on. [924†]

¹⁰Sadia leleng on, ale Debata, datdatan ni musu i mangelesi? Tung insahan ni musu i nama goarmu salelenglelengna? [925†]

¹¹Boasa tung * taitonmu tanganmi dohot siamunmi? Enet ma nian sian bagasan ampuanmu laho maniaphon? [926†] II.

¹²Jala * rajangku hian Debata sian narobi, Ibana do patupahon angka pangurupion di parsitongaan ni tano i. [927†]

¹³* Ho do umbola laut marhitehite gogom, dilobong Ho do ulu ni angka naga di lambung aek. [928†]

¹⁴Ho do mangaropuhi angka ulu ni buea, dilehon Ho do ibana panganon ni bangso, * pangisi ni halongonan. [929†]

¹⁵Ho do * manuhak mual dohot bondar, Ho do + mangarsik angka batang aek na marlananglanang. [930†]

¹⁶Gok di Ho do arian, gok di Ho dohot borngin; Ho do paojakkon * hatiuron dohot mata ni ari. [931†]

¹⁷Ho do * mamagohon sude talutuk ni tano on: + Ari logo dohot ari rondo Ho do jumadihonsa. [932†]

¹⁸Sai paingotingot: Na niinsahan ni musu i Jahowa, jala na nielesan ni * bangso na oto i goarmi. [933†]

¹⁹Sai unang lehon hosa ni * anduhurmi tu binatang, sai unang tongtong halupahon ngolu ni angka na dangolmi. [934†]

²⁰Sai tatap ma * parpadanoni, ai gok pandoboan do angka solotsolot ni tano on. [935†]

²¹Sai unang mulak tarurak na ginosagosa i, sai dipuji na dangol jala na pogos i ma goarmu.

²²Hehe ma Ho, ale Debata! Badahon ma parbadaanmi! Sai ingot ma haurahonmi binahen ni na oto sipatsipat ni ari. [936†]

²³Sai unang halupahon parioho ni angka musum, hagunturon ni angka alom na tongtong martimburak.