Read Batak Toba PSALMEN 75 Bible Online

PSALMEN 75 - Batak Toba bible

PSALMEN 75

¹Ende sian si Asap marlogu unang siaphon.

²Mauliate ma rohanami tu Ho, ale Debata, mamujimuji ma hami dibahen donok do goarmu, angka dibaritahon halak do * halongangan angka na binahenmu. [937†]

³Ai ia dung jumpang * tingkingku, tingkos ni uhum ma dabuonku ianggo Ahu. [938†]

⁴Malala pe sogot tano on dohot pangisina sudena, ianggo * Ahu pahotonku do angka ojahanna. Sela! [939†]

⁵Ningku do mandok angka * panggetegete: Sai unang manggetegete hamu! Dohot mandok angka parjahat i: Sai unang ma paagaaga hamu + tandukmuna i. [940†]

⁶Sai unang ma patimbo hamu tandukmuna i, unang ma * hatahon hamu hajungkaton mangasahon gakgak ni rungkung. [941†]

⁷Ai ndada sian habinsaran manang sian hasundutan, jala ndada sian halongonan ro hatimbulon.

⁸Ai Debata do panguhum, sadaon dipajimput jala sadaon * dipatimbul. [942†]

⁹Ai adong do sada panginuman di tangan ni Jahowa, jala gurgur do anggur di bagasan ni, gok raru do jala dipainumhon sian i; ingkon soburon ni angka parjahat ni tano on sude apala partoruna i. [943†]

¹⁰Alai anggo ahu baritahononku do salelenglelengna, endehononku do Debata ni si Jakkob.

¹¹Upokkononku do sude tanduk ni angka parjahat i, ingkon patimboon do angka tanduk ni partigor i.