Read Batak Toba PSALMEN 76 Bible Online

PSALMEN 76 - Batak Toba bible

PSALMEN 76

¹Ende sian si Asap.

²Tartanda do Debata di Juda, timbul do goarna di Israel.

³Dijadihon do di * Salem undungundungna jala di + Sion do ingananna. [944†]

⁴Disi do * diponggolhon angka sumbia api ni sior, ro di lombulombu, podang dohot parhohas tu hamusuon. Sela! [945†]

⁵* Sumangap jala marmuliaan do Ho sian angka dolok panamunan. [946†]

⁶Tarsamun do angka na begu marroha i, tarlalap modom do nasida, jala ndang * margogo tangan ni angka parangan i sudena. [947†]

⁷Hinorhon ni pangasupim, ale Debata ni Jakkob, tarlalap modom do nang hureta, nang hodanasida.

⁸Na songkal situtu do Ho, tung ise ma manahan jongjong di jolo ni bohim, molo sapala manombo rimasmu? [948†]

⁹* Sian banua ginjang do dipatubegehon Ho uhum, dambirbiron ma tano on jala mamolngit. [949†]

¹⁰Di na hehei Debata mandabu uhum laho paluahon sude angka na dangol ni tano on. Sela!

¹¹Ai manjadi pujipujianmu do rimas ni angka jolma, dihohoshon Ho do ebaeba ni angka rimas i.

¹²Marbagabaga ma hamu, jala garari hamu tu Jahowa, Debatamuna i! Sude angka na humaliang Ibana manaruhon silehonlehonna be tu * Sihabiarhononhon i. [950†]

¹³Ibana do manostosi hosa ni angka raja, songkal Ibana di roha ni angka raja ni tano on. [951†]