Read Batak Toba PSALMEN 79 Bible Online

PSALMEN 79 - Batak Toba bible

PSALMEN 79

¹Ende sian si Asap. I. [1] Ale Debata, nunga disola angka parbegu partohapanmu, nunga diramuni nasida jorom na badia i, jala parangusan dibahen Jerusalem. [1014†]

²Nunga diparlehon nasida bangke ni angka naposom panganon ni pidong na martongatonga langit, tu binatang ni luat i do sibuk ni angka na niasianmi. [1015†]

³Nunga dipangusehon mudarnasida i, songon aek humaliang Jerusalem, jala ndang adong sitanomsa.

⁴Jadi haurahon ni angka hombar hundul do hami, sielesan jala pangarehean ni angka na humaliang hami. [1016†]

⁵Sadia leleng on, ale Jahowa, mangarimas Ho tongtong, jala marsijembur songon api hamuruhonmu? [1017†]

⁶Pangusehon ma parpiar ni rimasmu tu parbegu, angka na so tumanda Ho, dohot tu harajaon, angka na so manjou goarmu. [1018†]

⁷Ai nunga dipolgak nasida Jakkob, jala diulang ingananna i. II.

⁸Sai unang jujur tu hami angka hajahaton ni ompu najolo, hapogani ma manjumpangkon angka asi ni roham tu hami, ai tarjimput situtu do hami. [1019†]

⁹Sai urupi ma hami, ale Debata ni hatuaonnami, ala ni hamuliaon ni goarmu, jala palua ma hami jala hungkupi dosanami ala ni goarmu.

¹⁰* Boasa ma tung dohonon ni angka parbegu: Didia do nuaeng Debatanasida i? Sai sange ma diboto angka parbegu sogot, idaonnami, + partubolon ni mudar ni angka naposom, na durus i. [1020†]

¹¹Sai * tolhas ma tu jolo ni bohim angguhangguk ni angka na tarbuang; sai pateba ma angka anak sibunuon hian hombar tu hatimbulon ni tanganmu. [1021†]

¹²Sai lompit pituhali ma pasuang tu ampuan ni hombar hundulnami haeleson, na nieleshonna i tu Ho, ale Tuhan! [1022†]

¹³Ianggo hami, bangsomi jala * birubiru na pinarmahanmu, sai Ho do pujionnami salelenglelengna, jala baritahononnami do pujipujianmu marsundutsundut. [1023†]