Read Batak Toba PSALMEN 81 Bible Online

PSALMEN 81 - Batak Toba bible

PSALMEN 81

¹Ende sian si Asap. I.

²Olophon hamu ma Debata hagogoontai, suraksurakkon hamu ma Debata ni si Jakkob.

³Pungka hamu ma marende, jala pinalu ma arbab i, tulila na denggan i angkup ni sordam.

⁴Palu hamu sangka di * poltak ni bulan, di + tula ari parpestaanta i. [1036†]

⁵Ai i do patik di Israel, uhum tu Debata ni si Jakkob.

⁶Panindangion do i dibahen Ibana di si Josep, di na borhat i ibana dompak tano Misir, pangkuling na so huantusi do hubege disi:

⁷Hubuat do siboanon i sian abarana, malua do tanganna i sian ranjang. [1037†]

⁸Joujou do ho uju di hagogotan, gabe hupalua ho, hualusi do ho marhitehite ronggur, huunjuni do ho * di lambung aek Meriba. Sela! [1038†] II.

⁹Tangi ma, ale bangsongku, asa * huhatindangkon tu ho! Aut ni ditangihon ho nian ahu, ale Israel! [1039†]

¹⁰Ndang jadi adong Debata sileban di tongatongamu, jala unang marsomba ho tu debata ni na pulik. [1040†]

¹¹* Ahu do Jahowa Debatam, na panangkok ho sian tano Misir, + pangangang ma pamanganmu, asa hugoki. [1041†]

¹²Alai ndang ditangihon bangsongku soarangki, jala ndang dioloi Israel Ahu.

¹³Jadi hupasombu ma ibana di tangkang ni rohana i, gabe diihutihut nasida ma lomolomo ni rohanasida. [1042†]

¹⁴Oe aut ma Ahu ditangihon bangsongku, diihutihut Israel angka dalanku.

¹⁵Mura do pajimputonku angka musunasida i, jala dompak angka na manosak nasida do tanganku. [1043†]

¹⁶Ingkon * sombaon ni angka na mangkosom Jahowa do Ibana, jala salelenglelengna do tingkinasida i. [1044†]

¹⁷Jala mangan indahan sigambiri do ibana bahenonna, jala pamahaponku do ho dohot situak ni loba sian dolok batu. [1045†]