Read Batak Toba PSALMEN 84 Bible Online

PSALMEN 84 - Batak Toba bible

PSALMEN 84

¹Ende sian angka anak ni si Kora.

²Dengganna i angka ingananmi, ale Jahowa Zebaot!

³Pola do langan jala maras rohangku dibahen lungunna di * angka alaman ni Jahowa; marolopolop do rohangku dohot sibukku tu Debata na mangolu i. [1060†]

⁴Gari amporik jumpangan jabu, jala leangleang dapotan asarna bahen inganan ni angka anakna, mandok: Angka langgatan pamelean tu Ho, ale Jahowa Zebaot, * Rajangku dohot Debatangku. [1061†]

⁵Martua ma angka na mangingani bagasmu, sai Ho do pujionnasida. Sela! [1062†]

⁶Martua ma halak ia di bagasan Ho hagogoonna, ia rohanasida di bagasan manuju dalan na tigor. [1063†]

⁷Angka na umbolus rura partangisan, Ibana do dibahen mualna; gabe * maruli pasupasu nasida. [1064†]

⁸Lam leleng, lam * ganda do gogonasida, paima tolhas nasida + tujolo ni Debata di Sion. [1065†]

⁹Ale Jahowa, Debata Zebaot, sai tangihon ma tangiangkon! Sai tangi ma, * ale Debata ni si Jakkob! Sela! [1066†]

¹⁰* Lombulombunami do Ho, ale Debata, asi ma roham, + tatap ma bohi ni Messiasmi. [1067†]

¹¹Ai dumenggan do * sadari di angka alamanmu sian saribu ari na asing; tagonan do dipangido rohangku + sijaga pintu ahu di bagas ni Debatangku, asa maringan di angka undungundung ni parjahat. [1068†]

¹²Ai Debata Jahowa do * mata ni ari dohot lombulombu, dilehon Jahowa do asi ni roha dohot hamuliaon, ndang + diholit na denggan i di angka na burju marpangalaho. [1069†]

¹³Ale Jahowa Zebaot, martua ma jolma na marhaposan tu Ho.