Read Batak Toba PSALMEN 85 Bible Online

PSALMEN 85 - Batak Toba bible

PSALMEN 85

¹Ende sian angka anak ni si Kora. I.

²Ale Jahowa, asi do najolo roham di tanomon, * dipalua Ho do si Jakkob sian habuangan. [1070†]

³Marpamuati do roham di hajahaton ni bangsom on, dihungkupi Ho do dosanasida sudena. Sela! [1071†]

⁴Nunga dipaombun Ho sude rimasmi, nunga mansohot roham sian parpiar ni murukmu.

⁵Sai marpangulahi ma roham tu hami, ale Debata ni hatuaonnami, jala pasohot somor ni roham dompak hami!

⁶Tung saleleng ni lelengna ma Ho marrimas dompak hami, ingotonmu tongtong rimasmu marsundutsundut? [1072†]

⁷Tung so ulahanmu do * pangoluhon hami, asa las roha ni bangsom mida Ho? [1073†]

⁸Sai pataridahon ma tu hami, ale Jahowa, asi ni roham, jala lehon ma tu hami hatuaonmu! II.

⁹* Sai tangihononku do manang aha na nidok ni Debata Jahowa, ai + diparbaga do hasonangan tu bangsona dohot tu angka na niasianna, asa unang mulak nasida tu haotoon. [1074†]

¹⁰Tongon do, * donok do hatuaonna di angka na mangkabiari Ibana, asa mian muse hamuliaon di tanonami on. [1075†]

¹¹Asa pajumpang sogot asi ni roha dohot hasintongan, jala masiummaan hatigoran dohot hadameon. [1076†]

¹²Asa martumbur sian tano i hasintongan, jala hatigoran manatap sian banua ginjang. [1077†]

¹³Sai lehonon ni Jahowa do huhut na denggan i, jadi * lehonon ni tanonami ma parbuena. [1078†]

¹⁴Mardalan ma hatigoran di jolona, jala patongononna ma langkanasida tu dalan. [1079†]