Read Batak Toba PSALMEN 86 Bible Online

PSALMEN 86 - Batak Toba bible

PSALMEN 86

¹Tangiang sian si Daud. I. [1] * Sai paeleng ma pinggolmu, ale Jahowa, alusi ahu, + ai na dangol jala na pogos do ahu. [1080†]

²Sai * ramoti ma rohangku, ai hasian do ahu; sai urupi ma naposom, na marhaposan tu Ho, ale Debatangku. [1081†]

³Asi ma roham di ahu, ale Tuhan, ai sai tu Ho do ahu joujou manipat ari. [1082†]

⁴Sai palas ma roha ni naposomon, ai * Ho do, ale Tuhan, dihalungunhon rohangku. [1083†]

⁵Ai anggo Ho, ale Tuhan, pardengganbasa jala * marpamuati roham, jala godang situtu do asi ni roham di sude angka na manjou Ho. [1084†]

⁶Sai tangi ma, ale Jahowa, tangiangkon jala parateatehon soara ni anggukkon.

⁷Di ari hagogotanki Ho do hujou, ai sai alusanmu do ahu. [1085†]

⁸Ndang adong tudoshon Ho di tongatonga ni angka Debata, ale Tuhan, jala ndang adong tudoshon angka pambahenanmi. [1086†]

⁹Ro do sogot sude parbegu, angka na tinongosmi marsomba tu jolom, ale Tuhan, jala pasangaphon goarmu. [1087†]

¹⁰Ai timbul do Ho jala mambahen angka halongangan, sasada Ho do Debata.

¹¹Sai * ajarhon ma tu ahu, ale Jahowa, dalanmu, asa + marpangalaho ahu di bagasan hasintonganmi; sai pasada ma rohangku mangkabiari goarmu. [1088†] II.

¹²Asa hupuji Ho, ale Tuhan Debatangku, sian nasa rohangku, jala hupasangap goarmu salelenglelengna.

¹³Ai na godang situtu do asi ni roham di ahu, jala * dipalua Ho do tondingku sian banua toru apala partoru. [1089†]

¹⁴Ale Debata, hehe do angka na jungkat roha mangalo ahu, jala satuptupan do angka sibahen gogo marburu hosangki, jala ndada Ho tu jolonasida dibahen. [1090†]

¹⁵Alai anggo Ho, ale Tuhan, Debata parasi roha jala pardengganbasa do Ho, lambat tarrimas, jala parasi roha dohot parhasintongan godang. [1091†]

¹⁶Sai dompakkon ma ahu, jala asi ma roham di ahu, sai tumpakkon ma gogom tu ahu naposomon, jala palua * anak ni hatobanmu. [1092†]

¹⁷Sai bahen ma tu ahu sada tanda paboa denggan ni roham, asa diida angka na hosom roha di ahu, jala maila nasida, paboa Ho sandiri, ale Jahowa, mangurupi dohot mangapuli ahu.