Read Batak Toba PSALMEN 89 Bible Online

PSALMEN 89 - Batak Toba bible

PSALMEN 89

¹Ende sipodaon sian si Etan, anak ni si Esra. I.

²Sai endehononku ma angka asi ni roha ni Jahowa salelenglelengna, sai pabotohonon ni pamanganku ma hasintonganmi marsundutsundut. [1110†]

³Ai ningku do: * Sai lam manjadi hot do asi ni roha i salelenglelengna, marojahan di angka banua ginjang do hasintonganmi. [1111†]

⁴Nunga hubahen padan tu na pinillit ni rohangku, nunga pola huuarihon tu si Daud, naposongki: [1112†]

⁵Ro di saleleng ni lelengna do pahotonku pinomparmu, jala paulionku habangsami marsundutsundut. Sela! [1113†]

⁶Jadi dipuji angka banua ginjang do halongangan binahenmu, ale Jahowa, nang hasintonganmu di * luhutan ni angka na badia. [1114†]

⁷Ai tung ise ma di aoangaoang tudoshon Jahowa? Tung ise ma sian angka anak ni Debata doshon Jahowa? [1115†]

⁸Debata na songkal situtu diluhutan ni angka na badia, jala tongam maradophon sude angka na humaliang Ibana. [1116†]

⁹Ale Jahowa, Debata Zebaot, tung ise ma songon Ho? Pargogo, ale Jahowa jala hasintonganmu humaliang Ho. [1117†]

¹⁰Ho do gumomgom hagunsangon ni laut; molo manaek angka galumbangna, Ho do pasohon. [1118†]

¹¹Nunga diropuhi Ho * Rahab, songon halak na tinampul: Dipaserak Ho do angka musum marhitehite botohon ni hagogoonmu. [1119†]

¹²Gok di Ho do angka banua ginjang, gok di Ho do dohot tano on, nang portibi on ro di isina i, Ho do paojakkon nasida. [1120†]

¹³Utara dohot dangsina. Ho do jumadihonsa, Tabor dohot Hermon marolopolop mida goarmu.

¹⁴Marbotohon na gogo do Ho, gogo do tanganmu, timbul do siamunmi. [1121†]

¹⁵* Hatigoran dohot uhum do ojahan ni habangsami, + asi ni roha dohot hasintongan patujolo ni bohim. [1122†]

¹⁶Martua ma bangso na umboto olopolop! Angka na marpangalaho di bagasan hatiuron ni bohim, ale Jahowa.

¹⁷Sai marolopolop do nasida manipat ari marhitehite goarmu, jala timbul do nasida hinorhon ni hatigoranmu.

¹⁸Ai Ho do saudara ni hagogoonnasida, jala hinorhon ni habasaonmi do manuarang tanduknami.

¹⁹Ai sian Jahowa do * lombulombunami, jala sian na badia ni + Israel do rajanami. [1123†] II.

²⁰* Uju i mangkatai do Ho di bagasan alatan tu angka na niasianmu, jala nimmu do: Nunga hupasahat pangurupion tu sada ulubalang, nunga hupabangkit sada dolidoli sian bangso i. [1124†]

²¹Nunga jumpang Ahu si Daud, naposongku, nunga humiahi ibana, dohot miak habadiaonki. [1125†]

²²Sai tong do donganan ni tanganku ibana, nang botohonku margogoihon ibana. [1126†]

²³Na so tupa onjaron ni musu ibana, manang rupaon ni anak ni hajahaton ibana.

²⁴Sai ropuhanku do angka alona maradophon ibana, jala ragehononku do angka na mangkosom ibana.

²⁵Jala hasintonganku dohot asi ni rohangku mandongani ibana, jala manuarang do sogot * tandukna marhitehite goarhu. [1127†]

²⁶Jala pampeongku tanganna tu laut, jala siamunna tu angka sunge. [1128†]

²⁷Ianggo ibana jouonna ma Ahu: Damang do Ho, Debatangku dohot partanobatoan ni hatuaonku! [1129†]

²⁸Ahu pe bahenonku do ibana sihahaan, na tumimbul sian angka raja ni tano on. [1130†]

²⁹Ro di saleleng ni lelengna paianonku di ibana asi ni rohangku, jala sai hot do padanhu tu ibana. [1131†]

³⁰Sai pampeongku do pinomparna ro di salelenglelengna, jala habangsana matua langit. [1132†]

³¹Molo tung ditadingkon angka anakna patikki, jala ndang marpangalaho di bagasan angka uhumhu.

³²Molo tung diramuni nasida angka aturanku, jala ndang diradoti angka tonangku:

³³Jadi luluhononku ma pangalaosinasida marhitehite linsinglinsing, dohot hajahatonnasida marhitehite angka parsorion. [1133†]

³⁴Alai anggo asi ni rohangku, ndada unsatonku sian ibana, jala ndang oseonku hasintonganki. [1134†]

³⁵Ndang ramunanku padan na hubahen i, jala ndang ubaonku na ruar sian bibirhu. [1135†]

³⁶Nunga pola huuarihon sahali tu * habadiaonki: + Molo tung gabusanku si Daud! [1136†]

³⁷Ingkon saleleng ni lelengna do pinomparna i, jala habangsana songon mata ni ari di jolongku. [1137†]

³⁸Hot do ibana salelenglelengna songon bulan, jala sintong do * sitindangi di ombun. Sela! [1138†] III.

³⁹Hape anggo nuaeng, ditulakkon, jala dibolongkon Ho do, tarrimas do Ho dompak na miniahanmu. [1139†]

⁴⁰Nunga diupir Ho padan tu naposomon, nunga diramuni Ho tumpalna i tu tano.

⁴¹Nunga dipuntasi Ho sude angka handangna, nunga magargar angka partanobatoanna i dibahen Ho.

⁴²Sude angka pamolus * mamupusi ibana, manjadi + sieleseleson ni angka hombarna hundul ibana. [1140†]

⁴³Nunga dipatimbul Ho siamun ni angka alona i, jala marlas ni roha sude musuna i dibahen Ho. [1141†]

⁴⁴Angkup ni nunga dipabalik Ho * baba ni podangna i, jala ndang marnangon ibana di tongtangan dibahen Ho. [1142†]

⁴⁵Nunga dipesanhon Ho hadoharonna i, jala ditunggalingkon Ho habangsana tu tano.

⁴⁶Nunga dipajempek Ho ariari ni haposoonna i, jala ditujungkon Ho tu ibana haurahon. Sela! [1143†]

⁴⁷Sadia leleng on, ale Jahowa, tabunihononmu dirim tongtong? Sai marjimburjimbur murukmu songon api? [1144†]

⁴⁸Sai ingot ma, pola sadia ma umurhu, boasa ma tung magopo panompam di manisia sudena? [1145†]

⁴⁹Tung ise ma baoa i na mangolu, so idaonna hamatean, tung tarpaluasa tondina i sian tangan ni banua toru? Sela! [1146†]

⁵⁰Didia do * asi ni roham, angka na jolo i, ale Tuhan, angka naung niuarihonmu tu si Daud di bagasan hasintonganmu? [1147†]

⁵¹Sai ingot ma, ale Tuhan, haurahon ni angka naposomon, pangusungku di sude angka bangso na sai torop di bagasan ampuanku.

⁵²Sai mangelesi do angka musum, ale Jahowa! Sai mangarehei angka bogas ni na miniahanmu do nasida. [1148†]

⁵³Pinuji ma Jahowa salelenglelengna! Amin! Amin! [1149†]