Read Batak Toba PSALMEN 9 Bible Online

PSALMEN 9 - Batak Toba bible

PSALMEN 9

¹Ende sian si Daud. I.

²Pujionku ma Jahowa sian nasa rohangku, pajojoronku ma sude halongangan angka na binahenmu. [81†]

³Marlas ni roha jala marolopolop ma ahu mida Ho, endehononku ma goarmu, ale Natumimbul!

⁴Ala naung mundar tu pudi angka masungku; martinggangan do nasida jala marragean maradophon bohim.

⁵Ai dipasintong Ho do uhum dohot parjambaran di ahu, hundul tu habangsa do Ho, ale * Panguhum na tigor. [82†]

⁶* Mangonai hata do Ho tu angka parbegu, + diago Ho do parjahat i, siap do goarnasida dibahen Ho ro di salelenglelengna. [83†]

⁷Sun do hasisiap ni musu i salelenglelengna, jala tarulang do * angka huta dibahen Ho, + pesan do nasida rap dohot baritana i. [84†]

⁸Alai anggo Jahowa marhabangsa do salelenglelengna, nunga dipajongjong habangsana laho manguhum. [85†]

⁹Jala Ibana manguhum sogot portibi on marhitehite hatigoran, pagostangonna ma uhum tu angka bangso. [86†]

¹⁰Sai olo ma Ho, ale Jahowa, haporusan di angka tingki hagogotan! [87†]

¹¹Asa marhaposan tu Ho angka na * tumanda goarmu, ai ndang ditadingkon Ho angka na usouso di Ho, ale Jahowa. [88†]

¹²Endehon hamu ma Jahowa, na marhabangsa di Sion, baritahon hamu ma angka pambahenanna tu angka bangso. [89†]

¹³Ai parlulu do Ibana di * sapata ni mudar, angka dipaingotingot do, ndang dihalupahon + angguhangguk ni angka na dangol. [90†] II.

¹⁴Asi ma roham di ahu, ale Jahowa, tatap ma dangolhon binahen ni angka na mangkosom ahu, Ho do sihindati ahu sian * angka harbangan hamatean. [91†]

¹⁵Asa * hubaritahon sude angka baritam di angka bahal ni ** boru Sion, asa + marolopolop ahu mida hatuaonmi. [92†]

¹⁶Nunga lonong angka parbegu tubagasan godung na binahennasida i, taralit do patnasida i tu jorgong, na buni tinaonnasida i. [93†]

¹⁷Sar do barita ni Jahowa, paboa sidabu uhum Ibana, laos di pambahenan ni tanganna sandiri do taralit parjahat i. Pingkiri ma i! Sela. [94†]

¹⁸Ingkon runsur tu banuatoru ma nian angka parjahat i, sude * parbegu, angka na mangkalupahon Debata. [95†]

¹⁹Ai ndang tagamon tongtong halupahononna na pogos i, ndang tagamon tongtong mago na hinirimhirim ni angka na dangol. [96†]

²⁰Hehe ma Ho, ale Jahowa, asa unang mangasahon gogo jolma i, sai uhumi ma sogot di jolom angka parbegu! [97†]

²¹Sai ampehon ma sipasonggot tu nasida, ale Jahowa, asa ditanda angka parbegu, jolma na gale do nasida hape. Sela. [98†]