Read Batak Toba PSALMEN 91 Bible Online

PSALMEN 91 - Batak Toba bible

PSALMEN 91

¹ Manang ise na hundul di pangondingan ni Natumimbul i, marborngin do ibana di * linggom ni Pargogo na so hatudosan. [1162†]

²Ningku do mandok Jahowa: Haporusanku jala * partanobatoanku, Debatangku, marhaposan tu Ibana do ahu! [1163†]

³Ai anggo Ibana, sai paluaonna do ho sian * sambil ni parsambil, sian pangago i ni begu antuk. [1164†]

⁴Sai ulosanna do ho dohot * habongna, jala marhaporusan tu toru ni hatirna i do ho, tau lombulombu dohot pangondingan do hasintonganna i. [1165†]

⁵Ndang pola mabiar ho maradophon * songgotsonggot borngin, maradophon + sumbia, na habang arian. [1166†]

⁶Maradophon begu antuk, na manisipi di na holom marimpotimpot, maradophon begu masa, na mangago di hos ni ari.

⁷Nang pe marribu marragean di lambungmi, jala marloksaloksa di siamunmi, ndang mangonai ianggo tu ho.

⁸Asal ambal matam manaili, idaonmu ma pamaloson tu angka parjahat i. [1167†]

⁹Ai Ho do, ale Jahowa, haporusanku; Natumimbul i nunga dibahen ho partanobatoanmu.

¹⁰Ndang tagamon mangonai tu ho hinamago, jala ndang tagamon begu masa i dumonok tu undungundungmu. [1168†]

¹¹Ai dohononna do angka surusuruanna taringot tu ho, asa dijaga ho di angka dalanmu sudena. [1169†]

¹²Sai * tangantanganonnasida do ho, asa unang + tartuktuk patmu tu batu. [1170†]

¹³Bolusonmu do singa dohot hala, * degedegeonmu do singa dohot buea. [1171†]

¹⁴Ala na holong situtu rohana di Ahu, jadi paluaonku ma ibana, patimbulonku ibana, ala tinandana i goarhu. [1172†]

¹⁵* Jouonna ma Ahu, jadi alusanku ma ibana, sai dongananku do ibana jumpa hagogotan, + paluaonku do ibana, jala marmulia ibana bahenonku. [1173†]

¹⁶Sai pamahaponku do ibana sarimatua, jala pataridahononku tu ibana hatuaonku. [1174†]