Read Batak Toba PSALMEN 92 Bible Online

PSALMEN 92 - Batak Toba bible

PSALMEN 92

¹Ende di ari Sabbat. I.

²Na denggan situtu do na mamuji Jahowa dohot mangendehon goarmu, ale Natumimbul! [1175†]

³Mamaritahon asi ni roham manogotna i dohot hasintonganmi bornginna i. [1176†]

⁴Mardongan uninguningan sisampulutali dohot sisampuluduatali dohot hasapi. [1177†]

⁵Ai nunga dipalas Ho rohangku, ale Jahowa, marhitehite angka pambahenanmu, marolopolop do ahu mida angka jadijadian ni tanganmu.

⁶Tung na balga do angka jadijadianmu, ale Jahowa, bagas situtu do angka pingkiranmu. [1178†]

⁷Ianggo baoa na bodo ndang mananda disi, jala na oto ndang marateatehonsa.

⁸Lam martumbur pe angka parjahat songon duhutduhut, jala marbunga pe sude angka siulahon hajahaton, asa siaphononhon do nasida salelenglelengna. [1179†]

⁹Alai anggo Ho, ale Jahowa, timbul do ro di salelenglelengna! [1180†] II.

¹⁰Ai ida ma, angka musum, ale Jahowa! Ai ida ma, sai na siap do sogot angka musum sai na marserak do sude angka siulahon hajahaton.

¹¹Alai dipatimbo Ho do tandukku songon tanduk ni sada rango, nunga dimiahi ahu dohot miak na lambok. [1181†]

¹²Jala sombu do roha ni matangku marnida angka na mangonggop ahu, lomo do roha ni pinggolhu mananginangi barita ni angka na jungkat roha mangalo ahu. [1182†]

¹³Ianggo partigor i, sai na martumbur do songon harambir, songon sada hau Ares di Libanon do ibana martunas. [1183†]

¹⁴Angka na * sinuan di bagasan bagas joro ni Jahowa, marbunga do nasida di bagasan angka + alaman ni Debatanta. [1184†]

¹⁵Sai marpinompari dope nasida, nang dung ubanon, marmiak jala rata do nasida. [1185†]

¹⁶Mamaritahon, paboa na tigor do Jahowa, partanobatoanki, jala ndang adong hageduhon di bagasan Ibana. [1186†]