Read Batak Toba PSALMEN 95 Bible Online

PSALMEN 95 - Batak Toba bible

PSALMEN 95

¹I. [1] Beta hamu itaendehon ma Jahowa, itaolophon ma * partanobatoan ni hatuaonta! [1211†]

²Itadapothon ma tu jolo ni bohina marhitehite pujipujian, itaolophon ma Ibana marhitehite ende! [1212†]

³Ai Debata na timbul do Jahowa, jala raja bolon mangatasi sude angka debata. [1213†]

⁴Di bagasan tanganna do angka ojahan ni tano on, jala guru di Ibana do punsu ni angka dolok.

⁵Guru di Ibana do laut, jala Ibana do tumompasa, jala tanganna do jumadihon tano darat.

⁶Beta hita manungkap dohot marsomba, marsinggang ma hita tu jolo ni Jahowa, Sitompa hita.

⁷Ai * Ibana do Debatanta, jala hita bangso pinarmahanna, jala birubiru ni tanganna. + Sadarion, aut ditangihon hamu nian soarana! [1214†] II.

⁸Unang ma tangkangi hamu rohamuna songon uju di Meriba, songon ari uju di masa pangunjunan di halongonan. [1215†]

⁹Uju na niunjunan ni angka ompumuna Ahu, tung diuji Ahu, atik pe naung diida nasida pambahenanku. [1216†]

¹⁰Tung opatpulu taon bolon lelengna Ahu marbiasbias mida sundut i, jadi ningku ma: Bangso parroha lilu do nasida, alai ndang ditanda nasida angka dalanku. [1217†]

¹¹Jadi pola maruari Ahu di bagasan rimashu: * Molo tung masuk nasida tu paradiananku! [1218†]