Read Batak Toba PSALMEN 97 Bible Online

PSALMEN 97 - Batak Toba bible

PSALMEN 97

¹I. [1] * Jahowa do raja, marolopolop ma tano on, marlas ni roha ma + pulopulo angka na lan i! [1231†]

²Ombun jala haholomon marimpotimpot humaliang Ibana, hatigoran dohot uhum ojahan ni habangsana. [1232†]

³Api mardalan di jolona manganhon angka alona humaliang. [1233†]

⁴Disondangi angka hilapna do portibi on, jadi lalolalo tano on marnidasa.

⁵* Malala do angka dolok songon pantis maradophon bohi ni Jahowa, maradophon bohi ni + Tuhan ni sandok tano on. [1234†]

⁶Dibaritahon angka langit do hatigoranna, jala sude angka bangso marnida hamuliaonna. [1235†] II.

⁷Ingkon tarurak sogot sude angka sisomba ajiajian, angka na papujipuji dirina mida ganaganaan, ingkon marsomba tu Ibana do sude * angka debata sileban! [1236†]

⁸Dibege Sion do i, jadi marlas ni roha ma, marolopolop ma angka boru ni Juda, ala ni panguhummu, ale Jahowa! [1237†]

⁹Ai Ho do, ale Jahowa na tumimbul, gumomgom sandok tano on, tumimbul situtu do Ho sian nasa debata sileban. [1238†]

¹⁰Hamu ale angka na mangkaholongi Jahowa, sai * hagigihon hamu ma na jat! Ibana do siramoti tondi ni angka na niasianna, sai paluaonna do nasida sian tangan ni parjahat. [1239†]

¹¹Sai tarsabur do hatiuron di partigor, jala las ni roha di angka na unjur marroha. [1240†]

¹²Marlas ni roha ma hamu, ale angka partigor di bagasan Jahowa, jala puji hamu ma goarna na badia i! [1241†]