Read Batak Toba PSALMEN 98 Bible Online

PSALMEN 98 - Batak Toba bible

PSALMEN 98

¹Endehon hamu ma di Jahowa * ende na imbaru sada, ai nunga dipambahen Ibana angka halongangan; nunga ditumpahi siamunna i dohot tanganna na badia i Ibana. [1242†]

²Nunga dipabotohon Jahowa hatuaonna i, nunga dipapatar Ibana hatigoranna i di adopan ni angka parbegu.

³Nunga diingot Ibana asi ni rohana dohot hasintonganna tu bagas ni Israel, nunga diida * luhut ujung ni tano on hatuaon ni Debatanta. [1243†]

⁴Marsuraksurak ma ho, ale sandok tano on, mangolophon Jahowa, pangiar ma soaram marolopolop, jala marende ma hamu.

⁵Puji hamu ma Jahowa, marangkup arbap, mardongan arbap dohot soara ni ende!

⁶Marolopolop ma hamu di jolo ni Raja Jahowa, mardongan sarune dohot soara ni sangka. [1244†]

⁷Mardorom ma laut ro di isina, portibi on ro di pangisina i. [1245†]

⁸* Martopaptopap ma angka batang aek, rap marolopolop ma angka dolok. [1246†]

⁹Dijolo ni Jahowa, ai nunga ro Ibana laho manguhum tano on, uhumonna ma portibi on marhitehite hatigoran dohot angka bangso marhitehite hasintongan. [1247†]