Read Batak Toba PSALMEN 99 Bible Online

PSALMEN 99 - Batak Toba bible

PSALMEN 99

¹* Jahowa do raja, angka hitir ma angka bangso; + marhabangsahon kerubim Ibana, humuntal ma tano on. [1248†]

²Tongam do Jahowa di Sion, jala timbul do Ibana gumomgom sude angka bangso. [1249†]

³Pujionnasida ma sogot goarmu na timbul jala na songkal, na badia do Ibana. [1250†]

⁴Dohot hagogoon ni raja na mangkaholongi uhum. Nunga dipahot Ho * hasintongan, nunga dipamasa Ho uhum dohot hatigoran di Jakkob. [1251†]

⁵Patimbul hamu ma Jahowa Debatanta i, jala marsinggang ma hamu tujolo ni sidegedegean ni patna, na badia do Ibana! [1252†]

⁶Si Musa dohot si Aron di tongatonga ni angka malimna, jala si Samuel di tongatonga ni angka sijou goarna, manjoujou do nasida tu Jahowa, jadi Ibana mangalusi nasida. [1253†]

⁷Di bagasan ombun na marsijongjong Ibana mangkatai tu nasida, diradoti nasida do angka panindangionna i dohot patik na nilehonna i tu nasida. [1254†]

⁸Ale Jahowa, Debatanami, Ho do mangalusi nasida, Debata na marpamuati do Ho di nasida, jala parlulu di pambahenannasida.

⁹Sai patimbul hamu ma Jahowa Debatanta i, jala marsinggang ma hamu di dolokna na badia i, ai na badia do Jahowa Debatanta i.