Read Batak Toba PODA SIAN RAJA SALOMO 12 Bible Online

PODA SIAN RAJA SALOMO 12 - Batak Toba bible

PODA SIAN RAJA SALOMO 12

¹Manang ise na holong roha di pangajaran, holong ma rohana di parbinotoan; alai anggo halak na mangkagigihon pinsangpinsang, na dodongon do i. [158†]

²Halak na denggan roha maruli halomoan sian Jahowa; alai anggo baoa panggetegete ditorui Ibana do.

³Ndang marsihohot roha ni jolma binahen ni hajahaton; alai anggo urat ni halak partigor, ndang tarhutik. [159†]

⁴Parompuan na marhuaso do tumpal ni harajaanna, alai songon bisa na manggagat tu holiholina do anggo parompuan sibahen haurahon. [160†]

⁵Hasintongan do pingkiran ni halak partigor, alai aturan ni halak parjahat sipaotooto do. [161†]

⁶Pangkataion ni halak parjahat * mangonggop naeng mandurushon mudar; alai anggo pamangan ni halak partigor paluahon halak. [162†]

⁷Humosinghosing do roha ni halak parjahat, gabe pidom nasida; alai hot do ianggo bagas ni halak partigor. [163†]

⁸Marguru tu hapantasonna marroha tarpuji baoa, alai anggo halak na sungkalit marroha hagigian do.

⁹Dengganan marlea iba, laos iba naposoniba, sian patimbotimbo diriniba, hape hurangan sipanganon do.

¹⁰Diparhamaol halak partigor i do hosa ni pinahanna; alai anggo asiasi ni halak parjahat hagarangon do. [164†]

¹¹Manang ise na mangula tanona, bosuran ma di sipanganon; alai anggo halak na mangolooloi marlanggelangge, hurangan roha do. [165†]

¹²Marsiilailaan do halak parjahat i manaon jorgong hamagoan, alai hot do ianggo urat ni halak partigor. [166†]

¹³Jorgong na rahat do oseose ni pangkataion, alai malua sian hagogotan do halak partigor i. [167†]

¹⁴* Marhite sian parbue ni pamangan butongan baoa i di na denggan, jala + sumuang tu ibana do pambahenan ni tanganna sandiri. [168†]

¹⁵Tigor do dalan ni na oto di rohana, alai anggo halak na pistar i, olo do tumangihon sipaingot.

¹⁶Hamurhingon ni na oto botoon do satongkinnari; alai manang ise na mangkuphupi haurahon, i ma na bisuk.

¹⁷Manang ise na patajom hasintongan, i ma na papatarhon hatigoran; alai halak sitindangkon gabus papatarhon sipaotooto. [169†]

¹⁸Halak na neang marpangkuling tudoshon horis na maniham do tajomna, alai anggo dila ni halak na pistar hahisaron do. [170†]

¹⁹Hot do pangkataion hasintongan ro di salelenglelengna, alai sangkidop mata sambing do anggo dila sipaotooto.

²⁰Sipaotooto do di bagasan roha ni halak na patubutubu hajahaton; alai las ni roha do di halak angka na marsangkap hadameon.

²¹Ndang mangonai hamagoan agia aha tu partigor; alai gok hajahaton do anggo halak parjahat i.

²²Marbiasbias do roha ni Jahowa mida * angka bibir sipaotooto; alai lomo ni rohana do anggo halak siulahon hasintongan. [171†]

²³Jolma na bisuk mangkahohomhon parbinotoan; alai anggo roha ni halak na oto maningtingkon habodoon. [172†]

²⁴Manggomgomi do sogot tangan ni halak na padot; alai anggo halak sigurbak ulu, ingkon marrodi do. [173†]

²⁵Holsoholso di bagasan roha ni baoa patungki ibana, alai anggo * hata na denggan pahinsahon rohana muse. [174†]

²⁶Dipatongon halak na tigor do donganna tu dalan hasintongan; alai anggo dalan ni halak parjahat mangaliluhon nasida sandiri do.

²⁷Ndang dapotan na binuru anggo halak sigurbak ulu, alai dapotan arta apala na arga do anggo jolma na padot. [175†]

²⁸Di bagasan lapang hatigoran do hangoluan, alai anggo dalan panirpangan pate tu hamatean do.