Read Batak Toba PODA SIAN RAJA SALOMO 13 Bible Online

PODA SIAN RAJA SALOMO 13 - Batak Toba bible

PODA SIAN RAJA SALOMO 13

¹Anak na pistar marateatehon pangajaran ni amana, alai anggo pangelesi, ndang ditangihon nang hona hata ibana. [176†]

²Marhite sian * parbue ni pamanganna, mangan na denggan ganup jolma, alai anggo hisap ni pangoseose pangarupaon do. [177†]

³Manang ise na mamompomi pamanganna, i do na mangaramoti hosana, alai manang ise na pangangang bibirna, hamagoan do ujungna. [178†]

⁴Sai dajian mangapian do roha ni sigurbak ulu, hape matua so sombu rohana; alai marmiak do ianggo roha ni halak na padot. [179†]

⁵Dihagigihon halak partigor do hata sipaotooto, alai anggo halak parjahat pabusuk dohot paurak dirina.

⁶Hatigoran mangaramoti halak na daulat marpangalaho, alai anggo hajungkaton mangonjar tu dosa. [180†]

⁷Adong deba halak paulahon mora ibana, hape maliali di handang do; na deba paula pogos ibana, hape na mora jong do. [181†]

⁸Partobus ni hosa ni baoa do hamoraonna, alai anggo halak na pogos ndang ditangihon, nang hona hata ibana.

⁹Panondang ni halak partigor marsigorgor do, alai anggo * palito ni halak parjahat mintop do. [182†]

¹⁰* Roha haginjangon mangalap tongkartongkar sambing, alai jumpang do + hapistaran anggo di halak na olo parrohaon. [183†]

¹¹Hamoraon sian dalan na so turut, lam tu otikna do, alai manang ise na paidukidukkon, lam tu gandana do. [184†]

¹²Arop na ngolngol pasusasusa roha, alai hau hangoluan do pangidoan naung ro.

¹³Manang ise na so parduli di hata ni Debata, mangago dirina sambing do, alai anggo halak na mangkabiari patik, maruli upa do.

¹⁴Poda ni halak na pistar do mual hangoluan, pasidingkon angka jorgong hamatean sian ibana. [185†]

¹⁵Roha hapantason na denggan mambahen hasian, alai anggo dalan ni halak pangose mambahen hagigian.

¹⁶Luhut na niula ni halak na bisuk maraturan do, alai anggo na * bodo pararat habodoonna do. [186†]

¹⁷Suruan na jahat parohon hamagoan, alai anggo suruan haposan mangkorhon hahisaron do. [187†]

¹⁸Hapogoson dohot haurahon do tohap ni halak na manulak pangajaran; alai manang ise na marateatehon pinsangpinsang, sai marmulia do. [188†]

¹⁹Molo jumpang na pinangido, tonggi do di roha; alai marmalumalu do halak na oto sumurut sian hajahaton.

²⁰Manang ise na mangkombar halak na bisuk, gabe marbisuk do, alai manang ise na sauduran dohot halak na oto, manjadi jahat do.

²¹Hamagoan do paburuburu halak pardosa, alai na denggan do dibasahon Jahowa tu halak partigor.

²²Halak na denggan roha martohap do ro di pinomparna alai bali tu * halak partigor do hamoraon ni pardosa. [189†]

²³Godang sipanganon dapot na pogos sian rimbana, alai lan halak ripur do binahen ni hageduhon.

²⁴Manang ise na alang roha mangonai hotang, i ma na mangkagigihon anakna alai manang ise na holong roha di anakna, patibuonna ma pangajaran. [190†]

²⁵Halak partigor mangan sampe sombusombu ni rohana, alai sai na rapar do anggo butuha ni halak parjahat. [191†]