Read Batak Toba PODA SIAN RAJA SALOMO 2 Bible Online

PODA SIAN RAJA SALOMO 2 - Batak Toba bible

PODA SIAN RAJA SALOMO 2

¹I. [1] Ale anaha, molo dijangkon roham angka hatangki, jala diparateatehon ho angka tonangki.

²Jala dipatinggil ho pinggolmu tumangihon hapistaran, dipaeleng ho roham tu habisuhon.

³Pola tung * joujou ho mangido pangantusion, dipangiar ho suaram mangido habisuhon. [16†]

⁴Molo dijalahi ho angka i, songon perak, jala disulingkit ho, songon arta angka na buni: [17†]

⁵Jadi antusanmu ma biar mida Jahowa, jala jumpang ho parbinotoan ni Debata.

⁶Ai Jahowa do na marbasabasahon hapistaran, sian pamanganna do ro parbinotoan dohot habisuhon. [18†]

⁷Jala Ibana pahot hatuaon di * halak partigor, Ibana do lombulombu di halak na marpangalahohon hadaulaton. [19†]

⁸Asa diramoti angka lapang ni uhum, jala dijagai dalan ni angka na niasianna.

⁹Jadi disi ma antusanmu hatigoran dohot uhum, ro di ruhut hasintongan, sandok pangalaho na denggan i tahe. II.

¹⁰Molo masuk hapistaran tu bagasan roham, jala dihalomohon roham parbinotoan.

¹¹Jadi roha hapantason mangaramoti ho, jala habisuhon marjaga ho.

¹²Asa paluaonna ho sian dalan ni parjahat, sian baoa na mangkatahon getegete.

¹³Sian halak angka na tumundalhon dalan hasintongan, asa mardalani di angka dalan haholomon;

¹⁴Halak angka na las roha mangulahon hajahaton, mariaia nasida mida getegete angka na roa;

¹⁵Halak angka na geduk marpangalaho, jala pasebut angka dalanna; [20†]

¹⁶Asa * paluahon dirim sian jolma ni halak sileban, sian sibabijalang na + patabotabo hatahatana; [21†]

¹⁷Naung tumadingkon hasoloan ni haposoonna, jala dihalupahon padan tu Debatana. [22†]

¹⁸Ai marongrong tu hamatean do bagasna, jala pate tu banua toru do angka dalanna. [23†]

¹⁹Nasa na manopot nasida, ndang ulahan bulung, jala ndang dapotsa angka lapang tu hangoluan.

²⁰Dibahen i mardalani ma ho ale anaha, di dalan ni halak angka na denggan roha, jala marsihohot roham mangihutihut angka dalan ni halak partigor;

²¹Ai halak partigor i mangingani tano on sogot, jala halak na daulat roha tading disi. [24†]

²²Alai anggo halak parjahat siap sian tano on, jala halak pangoseose pidom sian i. [25†]