Read Batak Toba PODA SIAN RAJA SALOMO 24 Bible Online

PODA SIAN RAJA SALOMO 24 - Batak Toba bible

PODA SIAN RAJA SALOMO 24

¹I. [1] Unang mangiburu roham mida halak parjahat, jala unang mangapian roham naeng maralealehon nasida. [393†]

²Ai hamagoan do dipatahitahi rohanasida, jala jea sambing dihatahon bibirnasida. [394†]

³Marhitehite hapistaran pinajongjong sada bagas, jala dipahot do i marhitehite roha hapantason.

⁴Jala marhitehite * parbinotoan, gok angka bilutna dohot ugasan marragamragam angka na arga jala na uli. [395†]

⁵Holan halak na pistar do ompu ni gogo, jala baoa na marparbinotoan, i ma na so taralo.

⁶Ai ingkon pantas panguluhonmu tu hamusuon, haantuon pe marguru tu hinadeak ni panuturi do. [396†]

⁷Mamaolhu do hapistaran di halak na oto, dibahen i ndang hum ibana mangungkap pamanganna di partungkoan.

⁸Halak na marsangkap naeng manjahati, i ma na patut goaron induk ni getegete.

⁹Pingkiran haotoon do ia dosa, jala marbiasbias do jolma mida halak sipangarehe.

¹⁰Molo godoron roham di ari hagogotan, lam moru ma gogom.

¹¹Sai palua ma halak angka na tarboan laho bunuon, ro di angka na tartogu tu pamotongan, molo tung haambatan ho nasida. [397†]

¹²Tung sura dohononmu: Ida ma, ndang huboto hami hata i! Tung so mananda disi Tuhan i, * Sidodo angka roha? Tung so mamoto disi Ibana na mangaramoti tondimu? Ibana do tahe + mamaloshon tu jolma hombar tu pambahenanna be. [398†]

¹³Mangan situak ni loba ma ho, ale anaha, ai na denggan do i dohot aek ni sarang ni loba, ai na tonggi do i di tolonanmu. [399†]

¹⁴Suang songon i ma dai ni parbinotoan di hapistaran tu tondimu; molo dung dapot ho, * jumpang pe ajalmu, ndang pesan ianggo sihirimon ni roham. [400†]

¹⁵Unang mangonggop ho ale parjahat di inganan ni halak partigor, unang segai hapeahanna.

¹⁶Ai tung sura pe tinggang * halak partigor i pola pitu hali, sai hehe do ibana muse, alai anggo halak parjahat i ompas do binahen ni hinamago. [401†]

¹⁷Unang martilla ni roha ho, molo tinggang musum, jala unang marolopolop roham molo ompas ibana. [402†]

¹⁸Asa unang tung diida Jahowa, gabe sogo rohana disi, jala marsibalik rimasna maon sian ibana tu ho.

¹⁹Unang pola mohop ateatem mida halak paruhur, unang pola mangiburu ho mida halak parjahat. [403†]

²⁰Ai ndang adong sihirimon di halak parjahat i sogot, tung mintop do palito ni halak parjahat. [404†]

²¹Ale anaha, sai habiari ma Jahowa, nang raja, unang rosu ho tu halak panggunturi. [405†]

²²Ai tompu do hehe hamagoannasida, jala tung ise na umboto tingki partubolon sian nasida na dua i. [406†] II.

²³Nang angka poda siingoton sian halak na pistar do i: Ndang denggan marnida bohi di paruhuman. [407†]

²⁴Manang ise na mandok tu halak parjahat i: Parpintor do ho! Pulasan ni halak situan na torop do ibana, jala buraan ni angka bangso. [408†]

²⁵Alai marsonangsonang do angka na umpinsang ibana, jala songgop do tu nasida pasupasu hatuaon.

²⁶Mangumma bibir do manang ise na maralushon hata angka na sintong. [409†]

²⁷Jolo sarihon ulaonmu di balian, jala pature ladangmu, dung i pe asa pauli bagasmu.

²⁸Unang olo ho gabe sitindangi dompak donganmu, soada paralaan; tung tama ma ho marjehejehe marhitehite bibirmu. [410†]

²⁹Unang dok: Suang songon na binahenna tu ahu, bahenonku tu ibana; ahu ma mamaloshon tu baoa i, hombar tu pambahenanna. [411†]

³⁰Mamolus do ahu sian lambung ladang ni sigurbak ulu, dohot sian lambung porlak anggur ni jolma na hurang roha.

³¹Jadi ida ma, tubuan siarum horsik do luhutna, jala ditutup sihupi sisikna, jala maloha do parikna batu.

³²Dung huida i laos huparateatehon ma; dung huida i laos hubuat ma sipaingot sian i.

³³Otiknari modom, otiknari mondokondok, otiknari muse mangunsimpu tangan peak modom nimmu. [412†]

³⁴Jadi ro ma hapogosonmu songon halak panamun, jala haraparonmu songon halak na marsinjata. [413†]