Read Batak Toba PODA SIAN RAJA SALOMO 29 Bible Online

PODA SIAN RAJA SALOMO 29 - Batak Toba bible

PODA SIAN RAJA SALOMO 29

¹Jotjot pe hona pinsang baoa, hape tong do dipatangkang rohana, tompu do ibana ripur so ulahan bulung. [470†]

²Molo lam naek sorga halak partigor, marlas ni roha ma halak situan na torop, alai molo halak parjahat mangarajai, gondok ma roha ni halak. [471†]

³Manang ise na * holong roha di hapistaran, palas roha ni amana; alai na mansuasaehon sinamotna do manang ise na rosu tu sibabijalang. [472†]

⁴Raja pahothon gomgomanna marhite sian uhum hasintongan; alai anggo baoa sijalo sisip * mangago tanona. [473†]

⁵Halak na palemeslemes pangkulingna tu donganna, manaon rambang di jolo ni patna ibana disi.

⁶Tarjorgong di bagasan hajahatonna sandiri do halak parjahat i, alai anggo halak partigor i marolopolop do jala marlas ni roha.

⁷Halak partigor maniroi parkaro ni halak na parir, alai anggo halak parjahat i ndang parduli di nasida.

⁸Halak pangarehe pagalakgalak bada, pola gor sada huta, alai anggo halak na pistar paombun rimas do. [474†]

⁹Molo maruhum halak na pistar dohot halak na oto, ia so * manggunjal martata do ibana, hape laos so marhasunan. [475†]

¹⁰Halak sisopsop mudar mangkagigihon halak na daulat roha, alai anggo halak partigor, sai naeng nian pangolu hosana.

¹¹Tung nasa piripirina diparuar halak na oto, alai anggo halak na pistar paombunombun rohana. [476†]

¹²Pangarajai na patangitangi hata gapgap: Saluhut parhaladona gabe parjahat sogot.

¹³Sai na pajumpang do halak na pogos dohot halak na paanakkon hepeng; Jahowa do patiur mata nasida be. [477†]

¹⁴Raja na mandabu uhum hasintongan tu angka na parir, pahot habangsana ro di salelenglelengna. [478†]

¹⁵Hotang dohot pangajaran mangalehon hapistaran, alai anggo dakdanak na pinasombu tarboan rohana, mambahen haurahon ni inana. [479†]

¹⁶Molo ganda halak parjahat, ganda dohot dosa; alai sanga do * paidaidaon ni halak partigor hariripurnasida. [480†]

¹⁷Sai ajar ma anakmu, asa sonang ho bahenonna, jala lehononna angka silas ni roham. [481†]

¹⁸Molo soada panurirangon lumlam ma halak situan na torop, alai martua ma manang ise na mangaradoti patik ni Debata.

¹⁹Ndang tarajar hatoban anggo marhitehite hata sambing, ai diantusi do nian, hape ndang diihuthon.

²⁰Molo * diida ho sada baoa na girgir mandok hatahatana, gumodang do sihirimon sogot sian halak na oto asa sian ibana. [482†]

²¹Manang ise na mambahen naposona marlompan, olat ni sidakdanahonna, lam naeng gabe anak ni tuan ibana di ujungna.

²²Baoa parpiripiri pahehe parsalisian, jala halak parmurukmuruk do sigodang sala. [483†]

²³Roha haginjangon ni jolma pajimput ibana, alai anggo partondi na serep dapotan hamuliaon. [484†]

²⁴Manang ise na marbagi rap dohot panangko mangkagigihon dirina sambing, * dibege do nian torutoru i, hape ndang dipalumba. [485†]

²⁵Biar mida jolma mambahen jorgong, alai manang ise na marhaposan tu Jahowa gabe timbul sogot.

²⁶Torop halak mangalului bohi ni pangarajai mambuat rohana, alai Jahowa do haroroan ni uhum na sintong tu ganup jolma. [486†]

²⁷Marbiasbias do halak partigor mida halak pargeduk, marbiasbias huhut halak parjahat mida halak na tigor marpangalaho.