Read Batak Toba PODA SIAN RAJA SALOMO 4 Bible Online

PODA SIAN RAJA SALOMO 4 - Batak Toba bible

PODA SIAN RAJA SALOMO 4

¹B. I. [1] Sai tangihon ma, hamu ale angka anaha, pangajaran ni sada ama, jala ringkoti hamu ma gumuruhon pangantusion.

²Ai poda na denggan do na hulehon tu hamu, unang tung tadingkon hamu patikku.

³Ai ahu pe, siminik ni damang do ahu, hasudungan jala anak sasada ni dainang. [50†]

⁴Jadi dipodai ibana ahu, jala didok do mandok ahu: Sai parateatehon ma angka hatangki, jala * radoti angka tonangku, asa mangolu ho! [51†]

⁵Sai eahi hapistaran, eahi ma tutu pangantusion; * unang tung halupahon, jala unang tundali angka hata ni pamanganku. [52†]

⁶Unang tung tadingkon angka i, asa diramoti ho; sai haholongi ma angka i, asa dijaga nasida ho.

⁷Parmulaan ni hapistaran, on do: Tuhori hapistaran i, jala tuhorhon sandok na niomom tumuhor pangantusion! [53†]

⁸Sai parhamaol ma i, asa dipatimbul ho, marmulia do ho bahenonna, molo marparsigantungan tusi ho.

⁹Lehononna do tu ulum bulangbulang hasoloan, tumpal na jagar situtu basabasahononna tu ho. [54†] II.

¹⁰Sai tangihon, ale anaha, jala jangkon ma angka hatangki, asa * tamba di ho angka taon ni ngolum. [55†]

¹¹Di bagasan dalan hapistaran ahu mangajari ho, huiringiring ho mardalan di angka lapang hatigoran. [56†]

¹²Molo mardalan ho disi, ndang tagamon hagogotan langkalangkam, jala molo marlojong ho, ndang tagamon tartuktuk.

¹³Marsitiopan tu pangajaran ma ho, unang parsitading i; sai tiopi ma i, ai i do hangoluanmu.

¹⁴Unang paihut dalan ni angka parjahat, jala unang mardalani ho di dalan ni parjahat. [57†]

¹⁵Tung palua dirim sian i, unang bolus sian i, paholang dirim sian i jala pasiding.

¹⁶Ai ndang tarpodom nasida, nda jolo manjahati, ndang tarnono matanasida, nda jolo targasip dibahen manang ise. [58†]

¹⁷Ai roti hajahaton do dipangan nasida, jala anggur pangarupaon diinum nasida.

¹⁸Alai anggo lapang ni halak partigor tudos tu buha siang ari, lam tu tiurna do, sahat ro di hos ni ari. [59†]

¹⁹Ia dalan ni halak parjahat tudos tu na holom marimpotimpot, ndang diboto nasida partuktuhannasida i. [60†] III.

²⁰Ale anaha, sai parateatehon ma angka hatangki, tarehon ma pinggolmu tumangihon angka hatangki.

²¹Unang tung sirpang angka i sian matam, sai momosi ma di tongatonga ni roham. [61†]

²²Ai hangoluan do i di angka na jumpangan disi, jala gabe hahisaron di sandok dagingna. [62†]

²³Sian saluhut sijagaon i, gumodang ma jaga roham, ai sian i do ruar angka mual hangoluan.

²⁴Paholang ma sian ho ansiansi ni pamangan, jala padao sian ho bibir sijubajabi.

²⁵Sai manulus tu jolo ma matami mamereng, jala langkop ni matam manuju tigor tu jolom.

²⁶Sai timbangi ma pangalangka ni patmu, asa tung marsihohot saluhut dalanmu. [63†]

²⁷Unang manimbil ho tu siamun manang tu hambirang, sai paholang ma patmu sian hajahaton. [64†]