Read Batak Toba PODA SIAN RAJA SALOMO 7 Bible Online

PODA SIAN RAJA SALOMO 7 - Batak Toba bible

PODA SIAN RAJA SALOMO 7

¹I. [1] Ale anaha, sai radoti ma angka hatangki, jala pajop tu bagasan roham angka tonangki. [86†]

²Sai paingotingot angka tonangki, asa mangolu ho, jala ramoti patikki songon anak ni matam.

³Tung rahuti ma angka i tu jarijarim, jala surathon angka i bahen parningotan ni roham. [87†]

⁴Dok ma tu hapistaran i: Ibotongku do ho! Jala goari habisukon i pedanmu.

⁵Asa diramoti ho maradophon jolma ni sileban, maradophon sibabijalang, na palanditlandit hatahatana. [88†] II.

⁶Ai mandulo ahu sahali sian pandiloan ni jabungku, sian bonggarbonggar:

⁷Jadi huida ma di tongatonga ni halak na so hona ajar, dapot ahu ma di tongatonga ni angka anak, sada dolidoli na hurang roha.

⁸Madangadang do ibana di alaman mardonokkon suhisuhi ni bagas ni parompuan i, jala dalan tu jabu ni sibabijalang didalani.

⁹Di na rambon ari, di na mamungka holom, pola borngin marimpotimpot.

¹⁰Jadi ida ma, ro sada parompuan manomunomu ibana marpangkean sibabijalang, jala parroha marsibuni.

¹¹Na tetep do ibana, jala na hijang, ndang hatiopansa patna di bagasan jabuna. [89†]

¹²Tongkin di alaman, tongkin di pasar, jala di saluhut sirpang ni dalan nasida mangonggop.

¹³Dung i disoro nasida ma dolidoli i, laos diumma, jala dipapuraga bohina huhut didok mandok ibana.

¹⁴Marutang angka * pelean hamauliateon ahu, apala sadarion ma hugarar bagabagangku. [90†]

¹⁵Alani umbahen ruar ahu manjumpangkon ho mangalului bohim, gabe jumpang ahu do tongon.

¹⁶Nunga pola hupahembang angka lage di podomanku, martutup hain na halus sian Misir.

¹⁷Nunga pola hupispisi podomanku dohot pamurpuri angka na angur.

¹⁸Beta hita, pasombu rohanta masihaholongan sahat ro di torang ni ari, asa tung sabam rohanta masiummaan!

¹⁹Ai ndang di jabu anggo baoa i, laho do ibana tu dalanan na dao.

²⁰Diboan huhut puro isian ni hepeng di bagasan tanganna, di tula pe ibana mulak. [91†]

²¹Jadi meleng ma rohana binahen ni hinagodang ni sipaotootona, binahen ni tabotabo ni hatana ibana diluahon.

²²Hapogan ibana mangihuthon parompuan i, songon jonggi na tartogu tu pamotongan, jala songon ursa na masuk tu bagasan aring ni parburu.

²³Paima dibola sumbia ateatena; songon pidong na manahopi sambil, hape ndang diboto, hosana sandiri do na binununa. III.

²⁴Dibahen i hamu ale angka anaha, tangihon hamu ma ahu, jala parateatehon hamu angka hata ni pamanganku.

²⁵Unang paeleng roham tu dalan ni parompuan i, unang maupaup ho di angka lapangna.

²⁶Ai tung torop do baoa marragean angka na binununa, jala deak halak angka na tinodosna.

²⁷Angka dalan tu na roko do dalan tu jabuna, angka na pate tu angka bilut ni hamatean. [92†]