Read Batak Toba PODA SIAN RAJA SALOMO 9 Bible Online

PODA SIAN RAJA SALOMO 9 - Batak Toba bible

PODA SIAN RAJA SALOMO 9

¹I. [1] Nunga dipajongjong hapistaran i jabuna, jala nunga, didakdak tiangna batu sipitupitu i.

²Nunga dipotongi pinahanna pamuean jala dipapang anggurna, nunga huhut dipadiri mejana. [110†]

³Nunga disuru surusuruanna boruboru, manggokkon jolma di atas buntulbuntul ni huta i: [111†]

⁴Manang ise na tobok, ro ma ibana tuson! Tu ganup na hurangan roha hatana songon on:

⁵Ro ma hamu, pangan hamu ma sian rotingku, jala inum hamu sian anggur ma hupapang i.

⁶Tadingkon hamu ma angka na neang roha, asa mangolu hamu, jala ihutihut hamu ma dalan hapantason. [112†] II.

⁷Manang ise na umpinsang pangarehe, mangalap haurahon tu ibana sandiri do, jala manang ise na mangajar parjahat gabe tihasna do.

⁸Unang pinsang pangarehe, asa unang ho dihagigihon; pinsang tagonan halak na bisuk, jadi haholonganna ma ho. [113†]

⁹Lehon sipaingot tu na bisuk, asa ganda dope bisukna; ajari halak partigor, asa tamba parbinotoanna.

¹⁰Biar mida Jahowa do parmulaan ni hapistaran, jala parbinotoan ni angka na badia do hapantason. [114†]

¹¹Ai marhitehite Ahu ganda ariarim, jala tamba di ho angka taon ni ngolum. [115†]

¹²Molo tung marbisuk ho, bisuk di dirim sandiri do ho, jala molo mangarehe ho, manginona tu ho sandiri do. III.

¹³Parompuan na oto do na hijang marpangalaho, jala na gatal, jala ndang diboto agia aha. [116†]

¹⁴Hundulhundul do ibana di pintu ni jabuna, marhabangsa di atas buntulbuntul ni huta i.

¹⁵Asa dipail pardalan angka na mamolus sian dalan i, angka na manulus dalanna hian, ninna do:

¹⁶Manang ise na tobok, tuli ma ibana sian on! Jala tu na hurang marroha i hatana songon on:

¹⁷Aek na tinangkotangko do na tonggi, jala roti sibunian do na tabo. [117†]

¹⁸Alai ndang mamoto rohana, disi do angka anak hamatean, jala di bagasan angka godung ni na roko do, angka na ginokkonna i. [118†]