Read Batak Toba PARJAMITA SIAN SI SALOMO 11 Bible Online

PARJAMITA SIAN SI SALOMO 11 - Batak Toba bible

PARJAMITA SIAN SI SALOMO 11

¹I. [1] Padalan ma sagusagum tu bariba ni laut, ai di laonlaon ni ari dapot ho do i marbunga. [91†]

²Bahen marjambar pitu manang ualu halak, ai ndang diboto ho manang jea dia ro tu atas tano on. [92†]

³Molo sorat angka ombun i, dipangusehon ma udan tu atas tano on, molo marobo hau dompak dangsina manang dompak utara, ia tusi haroboan ni hau i laos disi do i peak.

⁴Manang ise na pajagajaga alogo, ndang tagamon saut manabur, jala manang ise na patangkastangkas ombun, ndang tagamon saut ibana manggotil.

⁵Ndang diboto ho manang didia * pardalanan ni alogo dohot ** panjadijadi ni holiholi di bagasan bortian ni boruboru na marhangoluan: Suang songon i ndang diboto ho + jadijadian ni Debata na manjadihon saluhutna. [93†]

⁶Sogot manogotna i saburhon bonim jala unang patait tanganmu nang bodarina i, ai ndang diboto ho manang dia sian na dua i manjadi, manang tung rap duansa manjadi. II.

⁷Tonggi do hatiuron i jala lomo roha ni mata marnida mata ni ari.

⁸Tung sura liput di taon jolma i mangolu, denggan do marlas ni roha ibana di saluhutna i, alai marningot ibana huhut di angka ari haholomon, ai tung torop do angka i. Luhut na masa sogot laho salpu do i.

⁹Antong marlas ni roha ma ho, ale dolidoli tagan di haposoonmu, jala guru sombu ni roham bahen di angka ari hadolionmu! Jala paihutihut angka dalan lomolomo ni roham, guru sombu ni matam; alai boto huhut togutoguon ni Debata do ho sogot tu paruhuman ala saluhutna i! [94†]

¹⁰Paholang ma murukmuruk sian bagasan roham jala padao hajahaton sian sibukmu, ai tingki haposoon dohot buha siang ari laho salpu do i tibu.