Read Batak Toba PARJAMITA SIAN SI SALOMO 2 Bible Online

PARJAMITA SIAN SI SALOMO 2 - Batak Toba bible

PARJAMITA SIAN SI SALOMO 2

¹I. [1] Dung i ningku ma di bagasan rohangku: Antong unjunanku ma ho marhite sian las ni roha, guru lomo ni roham idaonmu! Hape ida ma, alogo do nang i.

²Ningku ma mandok parengkelon i: Na lalaen do ho! Dohot tu las ni roha i: Aha do na binahenmu?

³Dung i marsangkap rohangku di bagasan: Naeng * patogaronku sibukku marhitehite anggur, alai mangaradoti hapistaran do anggo rohangku dohot mangarisik haotoon, paima huida nian manang aha na denggan di jolma manisia sibahenonna di hasiangan on saleleng di ngoluna. [11†] II.

⁴Dung i hupabalga ma angka hapadeanku, hupauli di ahu angka bagas bolon, jala hupungka di ahu angka porlak anggur.

⁵Hubahen di ahu angka porlak dohot paredangedangan, jala husuan tusi hau angka na marparbue marragamragam.

⁶Hubahen di ahu angka tobat mamornohi hau suanan angka na rugun martumburi.

⁷Hutuhor ma angka hatoban baoa dohot boruboru, adong huhut di ahu naposo angka na tubu di jabungku; tole muse angka punguan lombu dohot birubiru gumodang di ahu sian saluhut jolma angka na jumolo sian ahu di Jerusalem.

⁸Hupagukguk huhut di ahu perak dohot sere dohot arta na arga sian raja angka na pulik luat. Hupillit huhut di ahu angka parende baoa dohot boruboru bahen hariburon di jolma manisia, tole parinaan tuanlaen mansai torop. [12†]

⁹Jadi tumimbul jala ummora ahu sian saluhut jolma angka na jumolo sian ahu di Jerusalem; hot do huhut hapistaranku di ahu. [13†]

¹⁰Manang sadia pe na pinangido ni matangku ndang huontohi, ndang hutiopi rohangku mangolooloi nasa lomona. Ai tung na las situtu rohangku mida saluhut pambahenanku, jala i do antong jambarhu sian saluhut ulaonku.

¹¹Alai dung hubereng saluhut pambahenanku, angka na binahen ni tanganku, ro di hangaluton angka na huta on laho paulihon, ida ma laho salpu do saluhutna jala * mangeahi alogo sambing ahu disi, ndang adong hape na hot anggo di hasiangan on. [14†] III.

¹²Dung i humusor ma ahu naeng manimbang * hapistaran, habodoon dohot habobangon. Ai ninna rohangku do aha ulaning bahenon ni jolma na ro manggonti rajai? Suman tahe tu naung binahen ni halak hian bahenonna. [15†]

¹³Jadi huida ma, marhasurungan tahe hapistaran i martimbangkon haotoon, songon surung ni hatiuron tahe martimbangkon haholomon.

¹⁴Marmata hatiuron do anggo ulu ni halak na pistar, alai mardalan di bagasan haholomon do anggo halak na oto. Alai ditanda rohangku huhut sisada parsorion do sogot manisia saluhutna. [16†]

¹⁵Jadi ninna rohangku di bagasan ma: Anggo sisada parsorion do ahu hape dohot halak na oto, aha ma gunana sai huringkoti hapistaran na sai laon? Jadi ninna rohangku ma alogo sambing do hape nang i.

¹⁶Ai ndang adong parningotan di halak na pistar ro di salelenglelengna, suang songon di halak na oto, alai naung lupa saluhutna i di angka ari na ro sogot; iale isuang tung mate do hape halak na pistar rap dohot halak na bodo! [17†]

¹⁷Jadi marbiasbias rohangku mida hangoluan on; ai sogo rohangku mida pambahenan angka na binahen di hasiangan on, ala na laho salpu do luhutna jala pangeahion di alogo sambing do i.

¹⁸Jadi marbiasbias rohangku mida saluhut ulaon angka na huhangaluthon di hasiangan on ala ingkon tadingkononku do i di jolma na ro sian pudingku. [18†]

¹⁹Jala ise pabotoboto manang halak na pistar ibana manang halak na oto? Hape ibana do gabe tuan di saluhut ulaon angka na huhangaluthon mardongan hapistaran di hasiangan on! Laho salpu do hape nang i. IV.

²⁰Dung i marbalik ma rohangku naeng marpandelean nian mida saluhut ulaon angka na huhangaluthon di hasiangan on.

²¹Ala huida sada jolma, dibahen do nian nasa hapistaranna, parbinotoanna dohot hamaloonna mangaradoti ulaonna, hape ingkon tinggalhononna do i bahen jambar ni jolma na so dung marhangaluton ala ni! Alogo sambing do hape nang i jala hinamago godang.

²²Ai aha na ma parsaulian ni jolma sian sude ulaonna dohot sian domdamdomdam ni rohana taringot tu na hinangaluthonna di hasiangan on? [19†]

²³Ai ariari ibana * marhangaluton saleleng di ngoluna, jala mardongan hajepolon ulaonna, nang bornginna i ndang marhasonangan rohana. Alogo sambing do nang i. [20†]

²⁴Ndang adong hape na denggan di jolma i, dungkon ni na mangan ibana dohot na minum, jala dipasonang rohana mangihutihut ulaonna hian. Alai nang i hape, ingkon pala ni Debata do huida. [21†]

²⁵Ai tung ise ma tarbahen mangan manang minum, ia so marharoroan sian Ibana.

²⁶Ai tu jolma hasudungan ni rohana i do dibasabasahon Debata hapistaran, parbinotoan dohot las ni roha; alai anggo tu halak pardosa dilehon do hangaluton laho * papungupunguhon dohot pagukgukkon, asa lehonon ni Debata muse tu jolma hasudungan ni rohana i. Nang i ndang marguna hape, jala pangeahion di alogo sambing do i. [22†]