Read Batak Toba PARJAMITA SIAN SI SALOMO 4 Bible Online

PARJAMITA SIAN SI SALOMO 4 - Batak Toba bible

PARJAMITA SIAN SI SALOMO 4

¹I. [1] Dung i huulaki ma patangkashon saluhut pangarupaon, angka na masa di hasiangan on, gabe huida ma iluilu ni halak angka na hona pangarupaon hape ndang adong na mangapuli nasida; jala uhum gogo dibahen tangan ni angka pangarupa tu nasida, hape ndang adong na mangapuli nasida.

²Jadi huparhatua ma halak angka naung leleng mate, gumodang sian angka na mangolu dope rasirasa nuaeng. [31†]

³Alai martuaan dope sian duansa huetong halak na so dung tubu dope, ala so sanga dope diida pambahenan na jahat, angka na masa di hasiangan on. [32†]

⁴Dung i huida muse ma saluhut hangaluton dohot hamaloon marhapandean, hape patubu roha na masiiburuan do i. Jea do nang i, jala mangeahi alogo sambing iba disi.

⁵Halak na oto mamuhung tanganna duansa, jala dipangan sibukna sandiri. [33†]

⁶Tagonan do sanggim hasonangan sian sangkatubang hangaluton dohot pangeahion di alogo. [34†] II.

⁷Dung i huida muse ma haotoon na masa di hasiangan on. [35†]

⁸Adong do sada halak punjung, ndang mardongan, anakna so adong, marhahamaranggi pe soada, hape ndang marpansadian ia ulaonna, matana pe ndang olo marnasombu mida hamoraon. Dung i ninna rohana ma: Pasarisari ise tahe ahu umbahen hutaonhon marngalutan, pola raparon tondingku so marnida na denggan? Jea do hape nang i, jala hinamago godang! [36†]

⁹Tagonan tahe mardongan iba sian na punjung, ala muba dengganna molo rap marsaulihon parbue ni na niulana be.

¹⁰Ai molo tinggang na sada, paheheon ni donganna ma ibana; alai tarjepol situtu ma halak na punjung molo tinggang ibana, ala soadadong donganna pahehehon ibana.

¹¹Songon i molo rap modom dua halak, masiangoran ma nasida, alai beha ma lasna anggo di halak na punjung?

¹²Mura talu gogo anggo punjung sahalak, tupa manahan anggo dua halak nasida maradophon alona, jala tali na tinolu maol do tos. III.

¹³Tagonan do sada dolidoli na pogos jala na bistok sian sada raja naung matua nian hape na oto, na so olo be paingoton.

¹⁴Ai * ruar parjolo i sian bagas hurungan laho bangkit raja, nunga marpogos hian ibana tubu di harajaonna. [37†]

¹⁵Dung i huida ma luhut halak angka na mardalani di hasiangan on paihutihut dolidoli na paduahon i, na manoluk na parjolo i hian.

¹⁶Tung na so tos do odoran ni sandok bangso, angka na niuluhonna i, alai ndang marlas ni roha mida ibana anggo halak na ro sian pudina. Ai haotoon do nang i jala * mangeahi alogo sambing iba disi. [38†]

¹⁷Ramoti langkalangkam, molo laho masuk ho tu bagas ni Debata! Ai * dumenggan do jumonok iba laho tumangihon hata i, sian + pelean pinelehon ni halak na oto, ala so diboto rohana na roa do hape na niulana. [39†]