Read Batak Toba PARJAMITA SIAN SI SALOMO 6 Bible Online

PARJAMITA SIAN SI SALOMO 6 - Batak Toba bible

PARJAMITA SIAN SI SALOMO 6

¹Adong dope huida sadanari jea bolon di hasiangan on jala dokdok do i dipasarisari jolma i:

²Molo dilehon Debata hamoraon dohot arta dohot hasangapon tu sada baoa, pola ndang hurangan rohana taringot tu saluhut na pinangidona, hape ndang diloas Debata ibana mangan sian i, * halak sileban tahe pasudahon: I ma jea dohot hinamago godang. [47†]

³Tung sura saratus ianakhon ditubuhon sada baoa, jala leleng ibana mangolu, sanga sarimatua situtu, hape ndang sombu rohana marsaulihon na denggan i, ndang tipak nang tanomanna, dohononku do: Tagonan do silumaksaijur sian baoa sisongon i.

⁴Ai magopo do i ro, jala di bagasan haholomon muse laho, laos haholomoni manghungkupi goarna.

⁵Nang mata ni ari ndang sanga diida manang di tanda. Andul do i sumonang sian baoa ondeng.

⁶Nang tung sura mangolu ibana dua ribu taon lelengna, hape ndang diida anggo na denggan i, nda sada do hapatean ni saluhutna?

⁷Saluhut hangaluton ni jolma sumarihon pamanganna do, hape ndang sombu anggo rohana binahen ni.

⁸Ai aha do hasurungan ni halak na pistar sian halak na oto? Aha gunana di halak na dangol ia diboto mardalan di adopan ni halak na mangolu?

⁹Tagonan do parnidaan ni mata, sian roha na monsong mardondami; hata na oto do nang i jala pangeahion di alogo sambing.

¹⁰Manang beha pe pangalaho ni jolma, nunga tibu hian targoar goarna i, jala binoto jolma hian do ibana, jala ndang tarbahensa mardabudabu dohot Debata, na gumogo situtu sian ibana. [48†]

¹¹Ai molo godang hatahata, na paganda jea do i; tung aha ma laba ni jolma sian i? [49†]

¹²Tung ise umbotosa manang aha na denggan di jolma i bahen hangoluanna saleleng di ariari ni ngoluna, * angka na laho salpu songon halinu? Ise tahe tarbahen + pabotohon tu jolma i manang aha na masa di hasiangan on ia dung salpu ibana. [50†]