Read Batak Toba ENDE NI ANGKA ENDE SIAN SI SALOMO 6 Bible Online

ENDE NI ANGKA ENDE SIAN SI SALOMO 6 - Batak Toba bible

ENDE NI ANGKA ENDE SIAN SI SALOMO 6

¹Tudia ulaning laho hasudungan ni roham, ho ale na ummuli sian sude parompuan? Dompak dia ulaning ditondong hasudungan ni roham, asa dohot hami mangalului ibana rap dohot ho?

²Nunga tuat hasudungan ni rohangku tu * porlakna, tu baruran hatubuan ni sanggul, naeng mardalandalan ibana di bagasan angka porlakna, huhut papungupungu angka bunga pansur. [43†]

³Ahu nampuna hasudungan ni rohangku, jala ibana nampuna ahu, marmahan do ibana di tongatonga ni angka bunga pansur. [44†]

⁴* Tung na uliutus do ho, ale hasoloan ni rohangku! Songon + Tirza tahe, jagar songon Jerusalem, jala songkal songon parangan na marhoronhoron. [45†]

⁵Padao ma matam sian ahu, ai tarsingot do ahu dibahen; * siporhotmu pe tudoshon sada punguan hambing, angka na mangulon di bona ni dolok Gilead. [46†]

⁶Angka ngingim hira sada punguan birubiru, nambura ginustingan dope imbuluna, angka na manaek sian pangarembean, angka na marlinduat be, jala ndang dung tumbasan. [47†]

⁷Hira janggaleman do * hurummu, dapot idaon sian pudi ni pangkuphupi ni ulum. [48†]

⁸Onompulu do bilangan ni tuanlaenna, jala ualupulu angka radingna, jala * ndang habilangan anggo angka namarbaju. [49†]

⁹Alai sasada ho do anggo * darapatingku, jala na sun daulat, boru sasada ni inana, hasoloan ni roha ni na manubuhon. Diida angka namarbaju i ibana, jala diparhatua, angka jolma ni raja pe dohot radingna papujipuji ibana: [50†]

¹⁰Ise do i na marsinondang songon sibalik hunik manogotnogot, uli ibana songon bulan, sondangna songon mata ni ari, songkal songon parangan marhoronhoron?

¹¹Nunga tuat ahu nian tu porlak hatubuan ni buapala, naeng maningkir angka na ratarata di rura, naeng mandulo manang naung martumbur hau anggur, manang naung marbunga hau dalimo.

¹²Ndada panagaman ni rohangku dope, nunga pinaunsat ahu tu hureta ni bangsongku na sangap i. [51†]