Read Batak Toba ENDE NI ANGKA ENDE SIAN SI SALOMO 7 Bible Online

ENDE NI ANGKA ENDE SIAN SI SALOMO 7 - Batak Toba bible

ENDE NI ANGKA ENDE SIAN SI SALOMO 7

¹Mulak ma ho, ale Sulam, mulak ma, mulak ma, mulak ma ho tutu, asa huida hami ho! Tung aha ma idaonmuna di Sulam. Tudos do ibana tu parsaroan * Mahanaim. [52†]

²Denggan ni pangealmi mangalangka di bagasan sipatum, ho ale boru ni raja na sangap! Pangibul ni gontingmu, songon simata godang, hira jadijadian ni tangan ni halak na pande.

³Ampuanmu hira panginuman na hibul do, ndang jadi hurangan di siinumon na pang. Butuham hira eme di bolagan na hinaliangan ni bunga pansur.

⁴Ia adopmu na dua i, hira anak ni ursa dua, hira anak ni hije na linduat. [53†]

⁵Rungkungmu hira tungkup sian gading; matam hira tobat angka na di Hesbon, mardonokkon harbangan ni huta na rame, igungmu hira tungkup panatapan ni Libanon, manatap dingkan Damaskus. [54†]

⁶Ia ulum di atasmu hira Karmel do, jala obukmu na janggejangge hira paspasan baliga hodong do, pola tarpulut roha ni rajai dibahen pandandanan ni obukmu.

⁷Tung na uliutus do ho, jala na lambok do, ho ale boru hasian binahen ni hinaulim! [55†]

⁸Partubum on hira harambir do, jala adopmu hira saraungan parbue ni anggur.

⁹Jadi ninna rohangku ma: Hupanaek na ma harambir on, asa huhaol dangkadangkana; jala adopmu na dua i, ingkon hira saraungan parbue ni anggur di ahu, jala parhosa ni igungmu, hira uap ni unte manis.

¹⁰Ia tolonanmu hira anggur na denggan, lambok tahe mabaor diinum hasudungan ni rohangku, jala pagirgir mangkatai bibir ni halak na mondokondok.

¹¹Ahu do nampuna * hasudungan ni rohangku, jala tu ahu do laho sihol ni rohana. [56†]

¹²Antong ho ale hasudungan ni rohangku, beta hita ruar tu ladang, asa marborngin hita di angka sosor. [57†]

¹³Sogot pe hita hehe manogot laho manogot angka porlak anggur, maningkir * manang naung martumbur hau anggur i, jala mangerbang angka bungana, marbunga dohot hau dalimo; disi do patuduhononku tu ho holong ni rohangku! [58†]

¹⁴Disi ma maruap angka * parbue dudaim, jala di atas pintu ni jabunta parbue marragamragam, angka na arga, angka nambura dope, dohot naung leleng, angka na hupajop di ho, ale hasudungan ni rohangku. [59†]