Read Batak Toba PANURIRANG JESAYA 14 Bible Online

PANURIRANG JESAYA 14 - Batak Toba bible

PANURIRANG JESAYA 14

¹I. [1] Ai marpamuati di roha ni Jahowa mida Jakkob, jala ulahanna * mamillit Israel, pasonang nasida di tanonasida. Sauduran do halak na buro dohot nasida laho marpungu tu pinompar ni si Jakkob. [147†]

²Jala * boanonnasida ma angka bangso tu inganannasida, gabe pinompar ni Israel nampuna nasida di tano ni Jahowa, bahen angka naposo baoa dohot boruboru; jadi tioponna di habuangan jolma angka na mambuangkon nasida jala rajaanna angka sibahen gogo tu nasida. [148†]

³Dung i di ari hasonanganmi binahen ni Jahowa sian hangaluton niaemi dohot sian hasusaanmi dohot sian parhianduan na posi, na pinarhatobanna i ho.

⁴Dohononmu ma umpama on taringot tu raja ni Babel: Muba ma sonang ni sibahen gogo i, sohot ma nuaeng pangarupaon.

⁵Nunga diponggolhon Jahowa tungkot ni angka parjahat, tungkot ni angka raja.

⁶Ibana na marpiarpiar mangalinsingi angka bangso, so marpansohotan; na mangaluntak angka parbegu di bagasan rimas marhitehite pangaleleon na so marpansadian.

⁷* Sonang jala mangulon nuaeng isi ni liat portibi on, marolopolop do nasida. [149†]

⁸Marlas ni roha huhut mida ho angka hau sampinur dohot ares na di Libanon: Olat ni na tunduk i ho, ndang adong be nangkok sitaba hami, ninna. [150†]

⁹Pola guntur banuatoru mida ho manjumpangkon ho di harorom. Disunggul dompak ho angka halinu, * nasa hambing + tunggal ni tano on dipahehe sian habangsanasida, sude raja ni angka parbegu. [151†]

¹⁰Saluhut nasida mangalusi, jala mandok tu ho: Dohot do ho hape margale, songon hami, naung doshon hami do ho hape!

¹¹* Tuat tu banuatoru do hape hamuliaonmu, hariburon ni parhinaloanmu; gulokgulok hape marpeahan di lagem, jala gulokgulok bulusanmu. [152†]

¹²Beha do hadadabum sian banuaginjang, ho ale bintang sidongdong, ho ale anak ni sibuha siang ari! Nunga tartaba hape ho marobo tu tano, ho ale sipatunduk angka bangso.

¹³Ianggo hatahata ni roham di bagasan mandok: Nangkok ma ahu tu banuaginjang, * patimbulonku ma habangsangku di ginjang ni angka bintang ni Debata, jala hundul ma ahu tu + dolok parluhutan tungkan utara sahali. [153†]

¹⁴Nangkok ma ahu tu atas ni angka ombun, gabe tudoshon na tumimbul sahali ahu.

¹⁵Hape tuat tu banuatoru do ho, tu godung na marimpotimpot.

¹⁶Longang do angka na marnida ho, notnotanna ma ho huhut mandok: On do hape baoa na manggunturi tano on, na manggoari angka harajaon?

¹⁷Naung mambahen liat portibi on gabe halongonan, jala ditabani angka hutana, jala ndang diloas muli angka na tartaban i. [154†]

¹⁸Nasa raja ni angka parbegu marpeahan tutup di hamuliaon di bagasan jabuna be.

¹⁹Alai anggo ho tartimpal do dao sian tanomanmu, songon ranting na marambolongan; songon ulos ni angka na rage, angka na tiniham dohot podang, angka na tuat tu godung batu songon bangke na nilutlut. [155†]

²⁰Ndang tagamon saparbandaan ho rap dohot nasida, ai nunga diago ho luatmu, jala dibunu ho bangsom. Ndang taringot be salelenglelengna anggo pinompar ni angka parjahat.

²¹Hobas i hamu ma sada * pamotongan di angka anakna + ala ni hajahaton ni amanasida; tung na so tupa suheonna manang teanonna tano i, manang patoroponna huta paribur portibi on. [156†]

²²Ai hehe ma ahu mandopang nasida, ninna Jahowa Zebaot, jala siaphononku sian Babel barita dohot pasipasi, nini dohot nono, ninna Jahowa.

²³Jala bahenonku huta i gabe abalan ni andurian dohot lintonglintong, jala saraonku marhitehite sarasara hasiapon, ninna Jahowa Zebaot. [157†] II.

²⁴Nunga pola maruari Jahowa Zebaot, ninna: Sai na pasautonku do, songon na husangkap, jala sai na songgop do bahenonku, songon na hutahi.

²⁵Sai na segaanku do Assur di tanongku, jala luntahanku ibana di atas ni angka dolokku, asa tanggal augana sian nasida, jala munsat rodina sian abarana. [158†]

²⁶I do sangkap naung sinangkapna tu sandok tano i, jala i do tangan na toltol dompak sude angka bangso.

²⁷Ai naung sinangkap ni Jahowa Zebaot, tung ise ma na tuk manundati? Jala tanganna na toltoli, tung ise ma na tuk manulakkon? [159†] III.

²⁸Di taon hamamate ni raja Ahas ro lumbalumbaon: [160†]

²⁹Unang tung marlas ni roha ho, ale sandok isi ni * Palistim, ala naung maponggol linsinglinsing na + mangalinsingi ho, ai ruar do sada libe sian urat ni ulok, jala parbuena gabe naga na habang. [161†]

³⁰Jadi singkop sipanganon jumpang angka buhabaju ni na pogos, jala marsonangsonang angka na so marparbuaton hian. Alai anggo uratmi bunuonku do marhitehite haleon, asa marragean angka pasipasim.

³¹Mangangguhi ma ho ale pargumbangan! Pangiar ma soaram ale huta! Malala ma ho sandok Palistim! Ai ro do sian utara timus, jala ndang adong na pinjil sian parduaannasida i.

³²Jala tung aha ma alusna tu angka suruan ni bangso parbegu? Nunga pola dipahot Jahowa Sion, asa marhaporusan tusi do angka na dangol ni bangsona.