Read Batak Toba PANURIRANG JESAYA 23 Bible Online

PANURIRANG JESAYA 23 - Batak Toba bible

PANURIRANG JESAYA 23

¹I. [1] Uhum madabu tu * Tirus: Mangangguhi ma hamu, ale angka isi ni parau Tarsis, ai nunga siap huta i, ndang adong be labuan hamulian! Sian tano ni halak Kitim tarbortik barita i tu nasida. [210†]

²Hohom ma hamu ale isi ni pulo! Angka partigatiga sian Sidon na marparau di laut mangisi ho.

³Ai marhitehite laut godang tarboan tu ho boni ni Nil dohot eme na ginotil martopihon sunge, jadi ho hira onan ni angka bangso.

⁴Maila ma ho ale Sidon, ai ninna laut i, * huta na gonting di laut i songon on: Ndang mangae posoposo ahu, jala ndang manubuhon ahu, manang pagodanggodang dolidoli manang namarbaju. [211†]

⁵Molo tolhas barita i tu Misir, tarsonggot ma nasida umbege barita sian Tirus.

⁶Taripar ma hamu tu Tarsis, mangangguhi ma hamu ala isi ni pulo i!

⁷Tung i do hutamuna na marhariburon i, na marmula di angka ari narobi? Boanon ni patnasida sandiri do nasida maisolat tu na dao.

⁸Ise naung sumangkap songon i taringot tu Tirus, sisagi tumpal * raja do angka saudagar disi, jala partigatigana angka na sumangap di tano on. [212†]

⁹Jahowa Zebaot tahe sumangkapi songon i, asa mangaramuni nasa hinauli ni haginjangon, laho pajimputhon nasa halak na sangap di tano on.

¹⁰Pabinsat ma tanomi, songon batang aek Nil, ho ale boru Tarsis! Ndang adong be disi * hohos. [213†]

¹¹Nunga dipatoltol ibana tanganna tu atas laut, mangkutol angka harajaon, nunga martona Jahowa taringot tu Kanaan naeng maniaphon angka bentengna.

¹²Jala ninna do: Ndang be marolopolop ho tu joloan on, ho ale boru * Sidon na nirupa! Hehe ma ho laho taripar tu Kitim! Disi pe, ndang tagamon sonang ho. [214†]

¹³Ida ma, tano ni halak Kasdim, i ma bangso na so adong hian, na pinaojak ni Assur di angka isi ni halongonan. Pajongjong palaspalas bahen parhalanna nasida, diloha nasida do bagasnasida na bolon i mambahen parturanggongan sian i.

¹⁴Mangangguhi ma hamu ale angka parau Tarsis, ai nunga siap bentengmuna i. II.

¹⁵Dung i di ari na sasada i lupa ma Tirus pitupulu taon, songon leleng ni ariari ni sada raja. Alai dung salpu na pitupulu taon i songgop ma tu Tirus hombar tu ende ni sibabijalang.

¹⁶Sintak ma hasapi, liati ma huta i ale sibabijalang naung hinalupahon! Padenggan ma pamiltikmu jala padeak ende, asa diingot halak ho muse.

¹⁷Ai dung marujung sipitupulu taon i, ebatan ni Tuhan Jahowa ma Tirus i, asa mulak tu ibana upa sibabijalang i, gabe maruhum na jat tu saluhut harajaon ni tano on, angka na di sandok portibi on.

¹⁸Alai * badia di Jahowa do parboniagaonna dohot labana sian tigatiga, ndang pagukguhonna manang tabunihononna, angka na maringanan di jolo ni Tuhan Jahowa nampuna labanasida bahen sipanganon maradu mahapan, jala maruli pangkean na jagar. [215†]