Read Batak Toba PANURIRANG JESAYA 25 Bible Online

PANURIRANG JESAYA 25 - Batak Toba bible

PANURIRANG JESAYA 25

¹I. [1] Ale Jahowa, ho do Debatangku, sai patimbulonku do ho, pujionku do goarmu, ai nunga mambahen halongangan ho; angka sangkapmu sian narobi pe na bonar jala na sintong do. [227†]

²Ai nunga gabe pantil batu huta i dibahen ho, huta na gonting i gabe maloha; bagas bolon ni angka paisolat malua sian huta i, na so sipaulion be salelenglelengna.

³Dibahen i ingkon pasangapon ni bangso na marhuaso i ho, jala ingkon habiaran ni huta ni angka bangso pandobo ho.

⁴Ai ho do partanobatoan ni na dangol, partanobatoan ni na pogos di hagogotanna; * haporusan maradophon udan tipotipo, + parlinggoman maradophon ari na marngiarngiar, ai doshon udan tipotipo tu dorpi parlongos ni muruk ni halak sibahen gogo. [228†]

⁵Songon ari na marngiarngiar di tano bangkalbangkal dipaonjap ho hariburon ni halak na buro; morpo do ari na marngiarngiar marhitehite linggom ni ombun, ingkon songon i pasohotonmu ende olopolop ni angka sigostang botohon. II.

⁶Jadi padirion ni Jahowa Zebaot ma di saluhut bangso sada haroan di dolok on, * haroan na talmis, haroan sian tuak anggur naung leleng, sian sipanganon na hojal, sian angka anggur na galia na pita. [229†]

⁷Dung i pasisionna ma di dolok on hirehire na hinungkuphon tu saluhut angka bangso dohot pangkuphupi na hinungkuphon tu saluhut angka parbegu. [230†]

⁸* Bondutonna ma hamatean salelenglelengna jala + apusan ni Tuhan Jahowa ma iluilu sian nasa bohi, jala padaoonna ma haurahon ni bangsona di sandok tano on, ai nunga Jahowa mandok i. [231†]

⁹Jadi dohonon ni halak ma di ari na sasada i: Ida ma on do Debatanta, na itahaposi, na mangurupi hita, dison do Jahowa na itahaposi. Marolopolop ma hita jala marlas ni roha mida hatuaonna i. [232†]

¹⁰Ai maradian di dolok on ma tangan ni Jahowa, alai anggo Moab degedegeonna ma tu toru ni patna, songon durame na niluntak tu partangkalan. [233†]

¹¹Jadi pahembangonna ma tanganna tu tongatonganasida, songon pangerbang ni tangan ni parlange laho marlange. Alai anggo ibana pajimputonna ma haginjangonnasida ro di sipaotooto angka na binahen ni tanganna.

¹²Panepneponna ma partanobatoanmu dohot angka parik na gonting, pajepolonna do nasida mangonjarhon tu tano, pola tung marguluhon orbuk.