Read Batak Toba PANURIRANG JESAYA 26 Bible Online

PANURIRANG JESAYA 26 - Batak Toba bible

PANURIRANG JESAYA 26

¹I. [1] Di ari na sasada i endehonon ni halak ma ende on di luat Juda: Adong do huta na gonting di hita, hatuaon do dibahen parik dohot partanobatoan. [234†]

²Ungkap hamu ma angka harbangan, asa bongot bangso na tigor, na marsihohot maniopi haburjuon. [235†]

³Hombar tu sangkap na ojak do dipaian ho dame, dame ma tutu, ai marnalom ni roha mida ho do ibana.

⁴* Marhaposan tu Jahowa ma hamu tongtong, ai Tuhan Jahowa do + dolok batu ro di salelenglelengna. [236†]

⁵Ai ibana pajimput angka isi ni habuntulon, dipajepol do huta na hinsat i, ditimpalhon do i tu tano, direongkon tu orbuk.

⁶Asa diluntakluntak pat, angka pat ni halak na dangol dohot langka ni halak na pogos.

⁷Dalan ni halak na tigor do angka hatigoran, sai tigor do dasingonmu dalan ni partigor i.

⁸Nang di dalan ni angka uhummu, sai marhaposan tu ho do hami, ale Jahowa! * Marlas ni roha hami mida goarmi dohot mida pujipujian tu ho. [237†]

⁹Sai dihalungunhon rohangku do ho bornginna i, tondingku di bagasan pe sogot do ho dilului. Ai disi mangonai angka uhummu tu tano i, gumuruhon hatigoran ma isi ni portibi on. [238†]

¹⁰Nang jumpangan asi ni roha parjahat i, ndang gumuruhon hatigoran ibana; sai manjahati ibana di tano habonaron, jala ndang ditailihon hamuliaon ni Jahowa.

¹¹Ale Jahowa, nunga timbul nian tanganmu, hape ndang diida nasida; idaonnasida do sogot hamuruhonmu humongkop bangsom jala tarurak; nang api panganonna do angka alom.

¹²Alai anggo di hami, ale Jahowa hadameon do paradeonmu, ai nasa ulaonnami pe, ho do mangulahon di hami. [239†] II.

¹³Ale Jahowa Debatanami, atik pe angka tuan na asing mangarajai hami di balik ni ho, sai baritahononnami: Do goarmu marhitehite ho.

¹⁴Ndang mulak mangolu angka na mate, ndang hehe angka halinu, ala marlulu ho laho maniaphon nasida, jala dipidomhon ho do nasa parningotan di nasida.

¹⁵Nunga ditambai ho bangso i, ale Jahowa, nunga ditambai ho bangso i, nunga marmulia ho, nunga dipalantas ho nasa parbalohan ni tano i.

¹⁶Ale Jahowa, jumpa hagogotan dilului nasida ho, ia mangonai pinsangpinsangmu tu nasida, ubitubit ma nasida martangiang. [240†]

¹⁷* Songon parompuan na gabegabean, nunga jonok hasasangana mangae posoposona, mangangguhi ma ibana di habernitonna i, laos songon i do hadadaonami sian bohim ale Jahowa. [241†]

¹⁸* Gabegabean do nang hami, mangae posoposo do hami, hape hira alogo do na hutubuhon hami; ndang tarpatupa hami hatuaon di tano i, jala dung sahat hutubuhon hami isi ni portibi on. [242†]

¹⁹* Mangolu do ianggo angka na matem, hehe do muse bangkengku. Ngot ma hamu jala marolopolop hamu angka isi ni orbuk? Ai + nambur ni angka panondang do namburmu, jala paruaron ni tano i muse angka naung mate. [243†]

²⁰Laho ma ho ale bangsongku, bongot i ma angka bilutmu jala hinsu ma pintumi di pudim. Martamonding ma ho satongkin * paima salpu rimas i. [244†]

²¹Ai ida ma, sai * na ruar do Jahowa sian ingananna laho mangaluluhon hajahaton tu isi ni portibi on; jala papataron ni tano on do utang mudarna, jala ndang be hungkupanna angka na mate tartodos. [245†]