Read Batak Toba PANURIRANG JESAYA 3 Bible Online

PANURIRANG JESAYA 3 - Batak Toba bible

PANURIRANG JESAYA 3

¹I. [1] Ai ida ma, unsaton ni Tuhan Jahowa Zebaot ma sian Jerusalem dohot sian Juda * tungkot dohot panungkoli, nasa togong ni roti dohot nasa togong ni aek. [38†]

²Jolma na begu dohot baoa parmusu, panguhum dohot panurirang, pangarunding dohot sintua.

³Pangarajai silimapulu dohot na sangap, panuturi dohot parhapandean na pistar, ro di sihapodea.

⁴Jala lehononku dakdanak bahen rajanasida, jala dakdanak parentahonnasida. [39†]

⁵Jala targogot do bangso i, masirupaan sama nasida; elesan ni dakdanak do na tuatua, jala halak na lea mangelesi na sangap.

⁶Jadi tangkupon ni baoa ma anggina di jabu ni amana, dohononna ma: Marmandar do ho! Ho ma partoginami, mandapot di ho ma angka pasipasi on.

⁷Dung i pagogoonna ma soarana di na sadari i, mandok: Ndang tarbahen ahu pandaoni, jala ndang adong roti manang parabiton di jabungku; unang pabangkit hamu ahu bahen partogi ni bangso i.

⁸Ai mandate do Jerusalem jala tinggang ia Juda, ala mangalo Jahowa dila dohot pambahenannasida manggitihi mata ni hamuliaonna.

⁹Parrupaon ni bohinasida manindangi dompak nasida, jala nasida sandiri paboaboahon dosanasida i, * songon isi ni Sodom ndang dihailahon. Marjea ma tondinasida i! Ai laos nasida sandiri do + manggalas hinamago tu nasida. [40†]

¹⁰Paboa hamu ma tu partigor i, sai na sonang do nasida, ai panganonnasida do parbue ni angka na niulana. [41†]

¹¹Marjea ma ianggo parjahat i, ai hombar tu na jat na niula ni tanganna do pamaloson tu ibana.

¹²Dakdanak do partogi ni bangsongku, jala boruboru mangarajaisa. Mangaliluhon ho do angka partogim, ale bangsongku, jala diago nasida do dalan sibolusonmu.

¹³Jongjong do Jahowa laho manguhum, jala hehe do ibana mandabu uhum tu angka bangso.

¹⁴Ro do Jahowa mandabu uhum tu angka sintua ni bangsona dohot tu partoginasida: Ianggo hamu nunga diago hamu porlak anggur i, di bagasan jabumuna do dapot tabantaban sian na dangol. [42†]

¹⁵Na mahua do hamu umbahen sai rupaonmuna bangsongku, jala dipastapi hamu bohi ni angka na dangol, ninna Jahowa Zebaot. [43†] II.

¹⁶Dung i ninna Jahowa ma: Ala marhatuiton angka boru Sion, jala dipagakgak uluna, jala marmata manuruk, jala manetsenetse patnasida mardalan. [44†]

¹⁷Ala ni papalpalon ni Tuhan i ma sisigatan ni boru Sion, jala pasalangon ni Jahowa ma na niabitannasida.

¹⁸Di ari na sasada i unsaton ni Tuhan i ma jagarjagar ni angka tapaktapak na arga, ro di angka simata borgok.

¹⁹Angka sibong dohot leang dohot sanggul.

²⁰Angka tumpal, angka leang di pat, angka hohos ro di angka galas marisi miak arun ro di talitali di tangan.

²¹Angka tintin di tangan dohot di igung.

²²Angka ulos parhadohoan, angka bintang maratur, angka salendang dohot angka hajut.

²³Angka sorminan dohot angka kameja, angka bulangbulang dohot salendang godang.

²⁴Dung i gabe nana ma miak na hushus i, jala rante singkat ni hohos i, jala hapalpalon singkat ni jengjeng buhit i, jala tangki singkat ni salendang i, jala tihas singkat ni hinauli nasailaon.

²⁵Marragean ma baoa pangisim panganon ni podang, jala paranganmi siap dibahen hamusuon.

²⁶Dung i marngeuk jala mangandungi angka harbanganna i, marsangkot bulung nasida jugukjuguk di tano.