Read Batak Toba PANURIRANG JESAYA 35 Bible Online

PANURIRANG JESAYA 35 - Batak Toba bible

PANURIRANG JESAYA 35

¹Marlas ni roha ma halongonan dohot tano bangkalbangkal jala marolopolop ma adaran jala marbunga songon bunga pansur. [334†]

²Marbunga situtu ma i jala marolopolop, masa ma tutu parolopolopon dohot pariaiaon. Hamuliaon ni Libanon dibasabasahon tusi rap dohot hinauli ni Karmel dohot Saron. Idaonnasida ma hamuliaon ni Jahowa, hatongamon ni Debatanta.

³Pargogoi hamu ma tangan angka na dauk jala pahot hamu angka pat na telluktelluk. [335†]

⁴Dok hamu ma tu angka parroha na tahuton: Pir ma tondimuna, unang hamu mabiar! Ida ma Debatamuna i ro martubolhon dohot mamaloshon! Ho do ibana tongon paluahon hamu. [336†]

⁵Buhaanna ma disi mata ni halak na mapitung jala marbinege bahenonna pinggol ni angka na nengel. [337†]

⁶Marhajingjang ma disi halak na pangpang songon ursa, jala mariaia dila ni halak na ngungu, ai marbuhalbuhal ma angka aek di halongonan jala sunge di adaran. [338†]

⁷Jala tano hasang situtu gabe tao, jala tano bangkalbangkal gabe parmualan aek. Di inganan pangulonan ni naga na sai laon tubu arung dohot tolong. [339†]

⁸Adong huhut disi * dalan balobung dohot dalan na bolon, na targoar: Dalan na badia. Ndang jadi mamolus sian i halak na ramun, jala nasida nampunasa; manang ise + na mandalani dalan i, gari angka na oto ndang tagamon lilu. [340†]

⁹Ndang adong disi singa jala na so tupa boluson ni binatang panoro, manang jumpang disi; jolma angka na pinalua mardalan disi.

¹⁰Jadi mulak ma sogot halak angka na pinalua ni Jahowa, jala mariaia ro tu Sion; jala halalas ni roha salelenglelengna di atas ulunasida, dapotan hilas dohot las ni roha nasida, alai maporus ma anggo arsak dohot hoihoi. [341†]