Read Batak Toba PANURIRANG JESAYA 46 Bible Online

PANURIRANG JESAYA 46 - Batak Toba bible

PANURIRANG JESAYA 46

¹I. [1] Nunga manungki Bel, nunga jomba Nebo; tu binatang dohot tu pinahan dipampe angka ganaganaannasida, pola sorat nasida mangusung maradu magege. [460†]

²Rap tinggang jala manungki nasida, ndang tarpaluasa na niusungnasida i, gari nasida sandiri ingkon laho do tu habuangan. II.

³Tangihon ma ahu ho ale pinompar ni si Jakkob dohot nasa pasipasi ni pinompar ni si Israel, angka na huompa sian bortian dope, angka na huabing sian hatutubuna.

⁴Sahat ro di hatutuamu sai tongtong do ahu, jala ro di * na ubanon sai ahu do mangusung hamu. Ahu do mambahensa na sai laon, ahu do mangompa, ahu do mangabing jala ahu paluahon nuaeng. [461†]

⁵Tung tu ise ma pasumanonmu ahu, manang patudosonmu ahu, manang pasobohonmu ahu, paboa suman ahu tusi? [462†]

⁶Dirunggirhon nasida do sere sia puntalan jala martimbangan nasida mandasing perak i; diupai nasida sada panopa, asa dibahen sian i sada debata, marsinggang tusi nasida bahen panombaannasida.

⁷Dipampe nasida ibana tu abara, diusung ibana jala dipajongjong tu hajongjonganna, gabe hot jongjong di hajongjonganna, ndang tarbahensa morot; * joujou pe manang ise tu ibana, ndang dialusi, jala ndang tarbahensa paluahon sian hagogotanna. [463†] III.

⁸Sai parateatehon hamu ma i jala pir ma tondimuna! Sai pasuang hamu ma rohamuna tu bagasan, hamu angka pangalaosi!

⁹Sai parateatehon hamu ma angka na masa na jolo sian mulamula, ai ahu do Debata, jala dungkon ni ahu ndang adong be Debata, manang na tudos tu ahu. [464†]

¹⁰Ahu palumbahon hian sian mulamula ujungna sogot, ahu marboaboa sian na robi na so masa dope; laos ahu mandok: Sai hot do sangkaphu jala bahenonku ma nasa lomo ni rohangku. [465†]

¹¹Nunga hujou sada pidong raja wali sian habinsaran; sian tano na dao sada baoa na pasauthon sangkaphu. Nunga pola hudok, sai na paroonku do; nunga pola hurumang, sai na pasautonku do. [466†]

¹²Tangihon ma ahu hamu ale angka na tangkang marroha, hamu angka na holang sian hatigoran.

¹³Nunga pola hupajonok hatigoranku, ndang be mandaodao, jala ndang marbenda hatuaonku, jala lehononku do di Sion hatuaon, jala hamuliaonku di Israel.