Read Batak Toba PANURIRANG JESAYA 54 Bible Online

PANURIRANG JESAYA 54 - Batak Toba bible

PANURIRANG JESAYA 54

¹I. [1] Mariaia ma ho, ale na hol na so dung tubuan anak! Pangiar ma soaram marsuraksurak, jala marolopolop ma ho na so dung mangae posoposo! Ai tumorop situtu do anak ni na punjung, sian anak ni na marharajaan, ninna Jahowa. [559†]

²Palambas ma hajongjongan ni undungundungmu, jala paherbang ma angka rimberimbe ni ingananmu. Unang orai! Paganjang ma angka talim jala pahot angka tiangmu. [560†]

³Ai manerak ma ho tu siamun dohot tu hambirang, jala soluhon ni pinomparmu ma angka bangso parbegu, jala ingananna ma angka huta na tarulang.

⁴Unang ho mabiar, ai ndang tagamon tarurak ho; unang ho maila, ai ndang tagamon mangirput ho. Ai * halupahononmu ma hailaon ni parnaposoonmu, jala ndang be paingotingotonmu haurahon ni habaluonmu. [561†]

⁵Ai sitompa ho, i do * harajaanmi, Jahowa Zebaot do goarna jala na badia ni Israel do sipalua ho, targoar do ibana Debata ni liat portibi on. [562†]

⁶Ai nunga diulahi Jahowa manjou ho, songon inaina na tinadingkon, jala na habot roha situtu; jala songon pardihuta * na binolongkon tagan poso dope, ninna Debatam. [563†]

⁷Satakkarisap lelengna hutadingkon ho alai papungupunguonku do ho muse marhitehite angka asi ni roha godang! [564†]

⁸Tagan di parpiar ni murukku hutabunihon bohingku satongkin maradophon ho, alai marhitehite denggan basa salelenglelengna asianku ho, ninna Jahowa sipalua ho. [565†]

⁹Ai songon aek na sumar uju di ngolu ni si Noak do on di ahu: * Pola maruari ahu, na so tupa be boluson ni aek na sumar songon uju di ngolu ni si Noak tano on, suang songon i ahu nuaeng maruari: Na so tupa be rimasanku ho, manang asupanku ho. [566†]

¹⁰Ai munsat pe angka dolok, jala humuntal angka robean, alai anggo asiasingku na so tupa munsat sian ho, jala * padan ni hadameonku na so tupa humordit, ninna Jahowa siasii ho. [567†] II.

¹¹Ho ale na parir, na pinaburuburu, na so tarapul, ida ma, peakkononku ma angka batum di bagasan ampang na arga, jala ojakkonongku ma ho marhitehite intan sapir.

¹²Bahenonku ma angka bungkulanmu sian humala rubin, jala angka bahalmu sian mata intan humala, jala sandok parbalohanmu sian angka batu hasudungan ni roha. [568†]

¹³Jala sude anakmu angka * na pinodaan ni Jahowa, jala + marhasonangan godang angka anakmu. [569†]

¹⁴Ingkon marhite sian hatigoran do ho pahoton sogot; dao ma sian ho pangarupaon, ai ndang be adong habiaranmu, jala dao sian ho hasonggoton, ai ndang hajonohansa ho.

¹⁵Ida ma, nang pe marluhutluhut nasida, ndada sian ahu; manang ise pe na martahi ho, sai paihutonna do ho muse. [570†]

¹⁶Ida ma, ahu do na manompa tukang bosi, na mandusdus arang di bagasan api, jala na paruarhon sada sinjata bahen jadijadianna; ahu huhut manompa sipangago i laho mangago.

¹⁷Nasa sinjata na jinadihon mangalo ho, ndang manjadi; jala nasa dila, na hehe mangalo ho di paruhuman ingkon toruanmu do. I do parjambaran ni angka naposo ni Jahowa, jala hatigorannasida sian ahu, ninna Jahowa.