Read Batak Toba PANURIRANG JESAYA 57 Bible Online

PANURIRANG JESAYA 57 - Batak Toba bible

PANURIRANG JESAYA 57

¹I. [1] * Mago do ia halak partigor i, hape ndang adong manang ise na marateatehon; jala lam marpungu angka jolma na daulat, hape ndang adong na dapotan roha binahen ni. Alai unang sanga diida ro hinamago umbahen + tarboan halak partigor i. [592†]

²Bongot tu hasonangan, * maradian nasida di angka podomanna halak na marparangehon habonaronna. [593†]

³Alai anggo hamu, angka anak ni boru parsibalik mata pajonok hamu tuson! Ho pinompar ni * pangalangkup dohot sibabijalang! [594†]

⁴Mida ise hamu naeng mareles ni roha? Dompak ise ma pangangangonmuna pamanganmuna jala pahureonmuna dilamuna? Nda hamu do tubu ni pangalaosion, pinompar ni sibahen sipaotooto? [595†]

⁵* Marsigorgor do hisaphisapmuna binahen ni ajiajian angka na + di toru ni nasa hau na rata; dipotongi hamu do angka anakmuna di bagasan angka rura, di bagasan jaringjing ni angka dolok batu. [596†]

⁶Di lambung ni angka pasir ni sunge na saesae do parjambaranmu; i do tutu partalianmu; nunga pola diusehon ho di ajiajian tuak tangkasan, jala dipelehon ho tusi pelean sipanganon. Tung so marlulu ahu disi?

⁷Dipadiri ho do podomanmu di atas dolok na timbo jala na hinsat; nunga pola manaek ho tusi mamotongi pelean sipotongon.

⁸Jala di pudi ni pintu dohot tiangna dibahen ho parningotanmu, ai tundal sian ahu dipasalang ho dirim tu na asing; nunga pola manaek ho, dipalumbang ho podomanmu jala digoar ho hian gajim sian nasida; dihaholongi ho do podomannasida manatap pangkirapna.

⁹Jala laho do ho manopot rajai mantat miak, jala dipagodang ho do miak na hushus; jala disuru ho do suruanmu tu na dao, pola tuat ho sahat ro di banuatoru.

¹⁰Loja ma ho dibahen hinadeak ni dalanmu, ndang dung didok ho: Ngalutna i di ahu! Ala margogo dope tanganmu di hilala ho, umbahen so dihasahithon roham. [597†]

¹¹Alai tahe mida ise do ho biahaton, manang tahuton, sai margabusi do ho jala ndang diingot ho ahu, ndang mangilala roham? * Nda sai hohom do anggo ahu sian narobi dope? Alai ndang dihabiari ho ahu. [598†]

¹²Ianggo ahu ingkon baritahononku do hatigoranmu dohot parulaonmu alai ndang adong labam sian i.

¹³Molo angguhangguk ho, ajiajian angka na pinapungupungumi ma nian paluahon ho; hape luahonon ni alogo do sasudena, jala ombuson ni hosa do. Alai manang ise na marhaposan tu ahu, * teanonna do tano on, jala ibana nampuna dolok habadiaonku. [599†] II.

¹⁴Jadi dohonon ni halak ma disi: Horsik i, horsik i, pahornop ma dalan i! Padao hamu ma partuktuhan sian dalan ni bangsongku. [600†]

¹⁵Ai songon on * do hata ni na sun timbul dohot na sun marmulia, na marhabangsa salelenglelengna, jala ** pargoar na badia: Di banua ginjang dohot di habadiaon do ahu maringan, alai huhut di lambung ni halak + na magopu jala na serep martondi, asa pangoluhon tondi ni halak na serep marroha dohot pangoluhon halak parroha na magopu. [601†]

¹⁶Ai * ndang ro di salelenglelengna ahu mambadai, jala ndang tongtong ahu mangarimasi! Atik tung mandate maon tondina sian jolongku dohot roha angka na hujadihon i. [602†]

¹⁷Mida hajahaton ni pangomoanna do ahu marronirimas, jala hulinsingi nasida, martabuni ahu jala marmurukmuruk; alai atik pe songon i sai didatdati do mangihutihut dalan lomo ni rohana sandiri.

¹⁸Nunga huida angka dalanna, alai pamalumonku ma ibana, jala ahu manogunogu ibana, jala maruli apulapul ibana bahenonku, ro di angka na mangkabothon ibana.

¹⁹Ahu do na manompa parbue ni bibir angka na mamaritahon dame, dame di angka na dao dohot di angka na jonok, ninna Jahowa! Jala ahu pamalum nasida. [603†]

²⁰Alai anggo halak parjahat i songon laut na gunsang do, ai ndang tarbahen so; sai na disampakkon galumbangna do burta dohot rampokrampok. [604†]

²¹Ndang marhasonangan ianggo halak parjahat i, ninna Debatangku. [605†]