Read Batak Toba PANURIRANG JESAYA 6 Bible Online

PANURIRANG JESAYA 6 - Batak Toba bible

PANURIRANG JESAYA 6

¹I. [1] Di taon hamamate ni raja Usia, huida Tuhan i hundul di atas habangsa na timbo, jala na marmulia, jala angka rambu ni pangkeanna manggohi bagas joro. [62†]

²Jongjong di atasna surusuruan Serapim, angka na marhabong onom be, dua manghungkupi bohinasida, dua manghungkupi patnasida, dua mangkabangkon nasida.

³Jala * marsijouan ma nasida songon on: Na badia, na badia, na badia do Jahowa Zebaot, + gok hamuliaonna liat portibi on. [63†]

⁴Jadi humuntal ma angka ojahan ni tiang sian soara ni na manjou, jala * gok timus joro i. [64†]

⁵Dung i hudok ma: Marjea ma ahu! Nunga mago ahu, ai jolma parbibir na ramun do ahu, jala di tongatonga ni bangso parbibir na ramun ahu maringan, ai nunga diida angka matangku Raja Jahowa Zebaot. [65†]

⁶Dung i habang ma sada sian angka surusuruan Serapim mandapothon ahu, jala di tanganna sada batu arang na gara, na binuatna sian langgatan dohot gansip. [66†]

⁷Jadi * dijama ma pamanganku, jala didok: Ida ma, on do na manjama bibir ni pamanganmu, paboa naung niunsat utangmu, jala naung + hinungkupan dosam. [67†] II.

⁸Dung i hubege ma soara ni Tuhan i, na mandok: Ise do suruhononku, jala ise pardalannami? Jadi ningku ma: Dison do ahu, suru ma ahu!

⁹Jadi didok ibana ma: Laho ma ho, jala dok ma tu bangso on: Sai mananginangi ma hamu, alai unang antusi hamu; sai ida hamu ma, alai unang mananda hamu! [68†]

¹⁰Patangkang ma roha ni bangso on, jala mingori pinggolnasida, jala pitungi matanasida, asa unang marnida matanasida, manang marbinege pinggolnasida, manang mangantusi rohanasida, jala unang muba manang malum hilalaonna. [69†]

¹¹Jadi ningku ma: Sadia leleng on ale Tuhan? Jadi ninna ma: Paima tarulang angka huta, soada marisi, jala angka bagas so marisi jolma, jala tarulang tano i gabe halongonan.

¹²Ai padaoon ni Jahowa ma angka jolma i, gabe langa situtu parsitongaan ni tano i.

¹³Alai tading dope di bagasan saparsampulu, nang angka i siaphononna do, songon hau tusam, jala songon hariara na martungko di hatatabana; * boni nabadia do tungkona i. [70†]