Read Batak Toba PANURIRANG JESAYA 62 Bible Online

PANURIRANG JESAYA 62 - Batak Toba bible

PANURIRANG JESAYA 62

¹I. [1] Ala ni Sion ndang tarbahen ahu sip, jala ala ni Jerusalem ndang olo ahu pompoman, paima binsar hatigoranna songon sondang ni mata ni ari, jala hatuaonna songon sulusulu na marsigorgor.

²Jadi idaon ni angka bangso parbegu ma hatigoranmu, jala saluhut angka raja hamuliaonmu, jala ingkon margoarhon * goar na imbaru ho, sipaboaon ni pamangan ni Jahowa. [651†]

³Jadi gabe tumpal hamuliaon ma ho di tangan ni Jahowa, jala tumpal harajaon di tangan ni Debatam.

⁴Ndang be goaron ni halak ho: * Na tinadingkon, jala ndang be dohononna tu tanom: Halongonan; ai goaronna ma ho: Hasoloan ni rohangku do ibana, jala tanomi: Naung marharajaan do ho! Ai + lomo do roha ni Jahowa mida do, jala marharajaan tanomi. [652†]

⁵Ai songon ringkot ni dolidoli mangaririt namarbaju, songon i do ringkot ni angka anakmu mangalului ho; jala songon las ni roha ni pangoli mida na niolina, songon i do las ni roha ni Debatam mida ho. [653†] II.

⁶Nunga hudokkon tu atas parikmu, ale Jerusalem, angka parjaga manipat ari manipat borngin, tongtong ndang olo sip nasida. Hamu ale angka na pasingothon Sion tu Jahowa, unang tung marpansadian hamu. [654†]

⁷Ibana pe, unang tung marpansadian laos hamu, paima dipahot Jerusalem jala dibahen marbarita di tano on.

⁸Nunga pola maruari Jahowa tu siamunna dohot tu tangan ni hagogoonna: Na so tupa be lehononku emem panganon ni angka musum, jala na so tupa be inumon ni halak sileban tuak anggurmu, naung hinangaluthonmu. [655†]

⁹Ingkon laos halak na papungupunguhon manganhon eme i, huhut mamuji Jahowa, jala laos halak na manjantarhon manginum tuak anggur i di angka alaman ni habadiaonku. [656†]

¹⁰Ruar ma hamu, ruar ma hamu sian angka harbangan! Sai pahornop hamu dalan di bangso i! * Palentes, palentes hamu dalan balobung i, paduru hamu angka batu, patindang hamu ma partonggol di tongatonga ni angka bangso. [657†]

¹¹Ida ma, nunga pola martingting Jahowa ro di ujung ni tano on: * Paboa hamu ma tu boru Sion: Ida ma, nunga ro hatuaonmi! Ida ma, ihut tu ibana do + upana, jala pamaloshonna di jolona. [658†]

¹²Jadi goaron ni halak ma nasida: Bangso na badia, * angka na pinalua ni Jahowa; jala ho targoar na hinaholongan, huta na so sitadingkononhon be. [659†]