Read Batak Toba PANURIRANG JEREMIA 24 Bible Online

PANURIRANG JEREMIA 24 - Batak Toba bible

PANURIRANG JEREMIA 24

¹I. [1] Dung i dipataridahon Jahowa ma tu ahu dua hirang na marisi parbue ni hau ara, peak di jolo ni joro ni Jahowa, dung tarbuang dibahen * si Nebukadnesar raja sian Babel si Jekonya anak ni si Joiakim, raja sian Juda, ro di angka induk ni halak Juda dohot angka pande hau dohot pande bosi, jala tarboan nasida sian Jerusalem tu Babel. [326†]

²Hirang na sada marisi parbue ni hau ara angka na denggan situtu, songon parbue ni hau ara patumonaan; alai hirang na sadanari marisi parbue ni hau ara angka na roa situtu, angka na so tarpangan dibahen hinaroana.

³Jadi ninna Jahowa ma tu ahu: * Aha do na niidam ale Jeremia? Gabe ningku ma: Angka parbue ni hau ara; ia parbue ni hau ara angka na denggan i, tung na denggan situtu do, alai angka na roa i tung na roa situtu do, angka na so tarpangan dibahen hinaroanna. [327†] II.

⁴Dung i ro ma hata ni Jahowa tu ahu songon on:

⁵Boti hata ni Jahowa, Debata ni Israel: Songon parbue ni hau ara angka na denggan i, songon i do angka na tarbuang sian Juda, angka naung hupaunsat sian inganan on tu tano ni halak Kasdim, tataponku ma nasida tu na denggan.

⁶Tataponku ma nasida tutu tu na denggan, jala mulak nasida boanonku tu tano on, jala * paulionku nasida, ndada laos lohaonku, jala lopokhononku nasida, ndada laos butbutonku. [328†]

⁷Jala lehononku tu nasida roha na tumanda ahu, na marhatutuhon ahu Jahowa; ingkon gabe bangsongku nasida, jala ahu gabe Debatanasida, ai mulak do nasida sogot tu ahu sian nasa rohanasida. [329†]

⁸Alai * songon parbue ni hau ara angka na roa i, angka na so tarpangan dibahen hinaroana, suang songon i bahenonku, ninna Jahowa, si Sedekia raja ni Juda ro di angka indukna dohot pasipasi ni Jerusalem, angka na tading di tano on, nang angka na maringanan di tano Misir. [330†]

⁹Jala pasahatonku nasida gabe siruparupaon, gabe hamagaon di * saluhut harajaon ni tano on, gabe haurahon jala gabe + parumpamaan, gabe ende aling, jala gabe bura di saluhut inganan haambolongannasida na hubahen i. [331†]

¹⁰Jala tongosonku tu tongatonganasida podang, haraparon dohot begu sorop, paima tung sun siap nasida sian tano naung hulehon tu nasida dohot tu angka ompunasida i. [332†]