Read Batak Toba PANURIRANG JEREMIA 43 Bible Online

PANURIRANG JEREMIA 43 - Batak Toba bible

PANURIRANG JEREMIA 43

¹I. [1] Jadi dung tolhas dihatahon si Jeremia tu sandok situan na torop i saluhut hata ni Jahowa, Debatanasida i, naung tinonahon ni Jahowa, Debatanasida i, umbahen disuru ibana manopot nasida.

²Jadi ro ma hata ni si Azaria, anak ni si Hosaya, dohot si Johanan, anak ni si Karea rap dohot saluhut baoa angka na jungkat, ninna ma tu si Jeremia: Gabus do na hinatahonmu! Ndang na tutu ho sinuru ni Jahowa, Debatanami, martona songon on: Unang hamu laho tu Misir maisolat disi.

³Na pinajuju ni si Baruk, anak ni si Neria do ho mangalo hami, asa pasahathon hami tu tangan ni halak Kasdim, asa bunuonna hami manang mamboan hami tarbuang tu Babel.

⁴Jadi ndang ditangihon si Johanan, anak ni si Karea dohot saluhut induk ni parangan, ro di sandok situan na torop i soara ni Jahowa, laos maringan nian di tano Juda.

⁵Dung i diarahon si Johanan, anak ni si Karea dohot saluhut induk ni parangan ma sandok pasipasi ni Juda angka na mulak sian saluhut bangso parbegu parserahannasida na sai laon, asa maringan nian di tano Juda.

⁶Tole angka baoa dohot parompuan angka dakdanak, angka boru ni raja ro di saluhut hosa, angka na tading binahen ni si Nebusaradan, sintua ni parangan i, dongan ni si Gedalia anak ni si Ahikam tubu ni si Sapan, angkup ni panurirang Jeremia dohot si Baruk, anak ni si Neria. [533†]

⁷Jadi tolhas ma nasida tu * tano Misir, ai ndang ditangihon nasida soara ni Jahowa, gabe sahat ma nasida tu + Tahpanhes. [534†] II.

⁸Dung i ro ma hata ni Jahowa tu si Jeremia di Tahpanhes songon on:

⁹Buat ma di bagasan tanganmu batu angka na bolon, jala tabunihon di bagasan tano liat di bagasan liang parmasahan batu mardonokkon pintu ni jabu ni Firaun di Tahpanhes, di adopan ni angka baoa sian Juda.

¹⁰Dung i dohononmu ma tu nasida: Songon on do hata ni Jahowa Zebaot, Debata ni Israel: Ida ma, ahu marsuru suruanku mangalapi si Nebukadnesar raja sian Babel, * naposongki, jala ahu patindang habangsana di atas ni batu on, angka naung hutabunihon, jala pahembangonna ma rimberimbe ni undungundungna di atasna. [535†]

¹¹Ingkon bongotanna ma jala papatuonna tano Misir: Manang ise na tu hamatean, tu hamatean ma tutu, manang ise na tu habuangan, tu habuangan ma tutu, * manang ise na tu podang, tu podang ma tutu. [536†]

¹²Jala pagalahonku ma sada api * di bagasan joro ni angka debata ni Misir, laos soksohanna ma jala buangkononna, jala alithononna ma tano Misir, songon pangalithon ni parmahan ni ulosna, dung i muli ma ibana sian i mardamedame. [537†]

¹³Angkup ni ingkon ponggolhononna do angka tiang partunggul sian Betsemes na ti tano Misir, jala surbuonna dohot api angka joro ni angka debata ni Misir.