Read Batak Toba PANURIRANG JEREMIA 47 Bible Online

PANURIRANG JEREMIA 47 - Batak Toba bible

PANURIRANG JEREMIA 47

¹On do hata ni Jahowa na ro tu panurirang Jeremia * dompak halak Palistim, tagan so dipapatu Firaun dope Gasa. [560†]

²Songon on do hata ni Jahowa: Ida ma, binsat ma angka aek sian utara manjadi aek na sumar, lantapanna ma tano i ro di isina, huta i ro di pangisina; jadi mangangguhi ma angka jolma i jala mangandungi saluhut isi ni tano i!

³Maradophon pardorom ni tambirik ni angka hodana, maradophon paruoror ni angka huretana, pallapak ni angka galapangna. Ndang ditailihon amaama angka anakna binahen ni daukdauk ni tangannasida.

⁴Binahen ni ari na laho mamansingkon saluhut halak Palistim, laho maniaphon Tirus dohot Sidon, ro di saluhut na malua tau pangurupi nian, ai rendephonon ni Jahowa ma halak Palistim, pasipasi ni pasir * Kaptor. [561†]

⁵Nunga ro hapalpalon tu * Gasa, nunga tarhatotong Askelon, ebaeba ni tano na di rura. Sadia leleng on dope + rarihanmu dagingmu? [562†]

⁶Oe ale podang ni Jahowa, sadia leleng nari so olo ho mansadi? Sai mulak ma ho tu bagasan sarungmu, maradian ma ho nian jala mansadi!

⁷Alai tahe beha ma, pambahenmu mansadi? Ai Jahowa do mandokkonsa! Dompak Askelon dohot dompak pasir ni laut do i didokkon.