Read Batak Toba PANURIRANG HESEKIEL 15 Bible Online

PANURIRANG HESEKIEL 15 - Batak Toba bible

PANURIRANG HESEKIEL 15

¹Dung i ro muse ma hata ni Jahowa tu ahu, songon on:

²Ale anak ni jolma, tung aha ma surung ni * hau anggur martimbangkon saluhut hau hian? Manang ranting ni hau anggur na di tongatonga ni hau tombak? [128†]

³Tung tarbuat ma sian i bahen parhau mambahen ulaula sian i, manang tung tarbuat sian i nanggo labang sada manangkothon tusi ulaula manang aha?

⁴Ida ma, sinubahon do i tu api, asa disudahon, nunga pola suda tampahanna na dua i dipangan api, gabe sipusipu ia tongatongana, tung tagamon marguna dope i bahen ulaula? [129†]

⁵Ida ma, gari uju simpan dope, gari so tarpangke bahen ulaula, lam ia dung dipangan api ma, jala gabe sipusipu, tung tarpangke dope bahen ulaula?

⁶Dibahen i songon on do hata ni Tuhan Jahowa: Songon pangalaho ni hau anggur di tongatonga ni hau tombak, naung hupasahat tu api sudahononna, suang songon i naung hupasahat isi ni Jerusalem.

⁷Nunga apala bohingku hubahen gabe alonasida; malua pe nasida sian api na sada, ingkon suda nasida panganon ni api sadaan, asa tung ditanda hamu ahu do Jahowa, ia dung hubahen bohingku gabe alonasida.

⁸Jala nunga hubahen tano i gabe halongonan, ala mangoseosei nasida, ninna Tuhan Jahowa.