Read Batak Toba PANURIRANG HESEKIEL 41 Bible Online

PANURIRANG HESEKIEL 41 - Batak Toba bible

PANURIRANG HESEKIEL 41

¹I. [1] Dung i diboan ibana ma ahu tu joro i, laos disuhati ma angka tiang, onom asta be bidangna di na sambariba, mangihuthon bohang ni undungundung i.

²Ia bohang ni pintu i sampulu asta do, jala lima asta be sambola di na sambariba, disuhati muse dohot unjur ni joro i opatpulu asta jala bohangna duapulu asta.

³Dung i bongot ma ibana tu bagasan, laos disuhati ma tiang ni pintu i dua asta, ia pintu i onom asta jala bohang ni pintu i pitu asta do.

⁴Dung i disuhati ibana ma unjurna duapulu asta, bohangna pe duapulu asta mangihuthon jolo ni joro i, jala didok ma tu ahu: * On ma bilut na songkal sahali. [445†]

⁵Dung i disuhati ibana ma dorpi ni bagas i onom asta timbona jala bohang ni angka emper opat asta humaliang bagas i.

⁶Ia angka bilut emper sai masijaloan do tolu lampis tolupulu hali be, jala sahat do angka tu dorpi ni joro i hombarhon angka bilut emper tuk humaliang, asa masirogangan, alai ndada hot anggo di bagasan dorpi ni joro i.

⁷Jala lam tu ginjang lam tu lambasna do angka bilut emper humaliang, ai tarbahen do mardalan humaliang, joro i tu ginjang tung tuk humaliang joro i tu ginjang, dibahen i lumambas do joro i di ginjang gabe tarbahen manaek sian bilut partoru, boti tu partonga sahat tu parginjang. [446†]

⁸Huida huhut di joro i na jukjuk tu ginjang tuk humaliang. Angka ojahan ni angka bilut emper gok do sada ungkuran, i ma onom asta sahat ro di sumban.

⁹Ia bidang ni dorpi ni bilut emper tungkan ruar lima asta do jala na rumar pinasomba holangholang ni angka bilut emper na di joro i.

¹⁰Tole bohang holangholang ni * angka bilut i duapulu asta do tuk humaliang joro i. [447†]

¹¹Jala pintu ni bilut emper i tondong ni na rumar pinasombu, sada pintu tungkan utara, jala sada pintu tungkan dangsina, jala bohang ni inganan na rumar pinasombu lima asta do tuk humaliang.

¹²Ia bagas na tungkan inganan na pinapulik i di na sambariba tungkan laut, pitupulu asta do bohangna, jala parik ni bagas i lima asta bohangna tuk humaliang, jala unjurna siapulu asta do.

¹³Disuhati ibana huhut joro i saratus asta unjurna ro di inganan na pinapulik i dohot bagas i dohot angka dorpina saratus asta do unjurna.

¹⁴Jala bohang di jolo ni joro i ro di inganan na pinapulik i tungkan habinsaran saratus asta do.

¹⁵Dung i disuhati ma unjur ni bagas i tungkan inganan na pinapulik i na di pudina ro di angka emper na angkupangkup be, saratus asta do ro di joro parbagasan i dohot angka panisioan ni alaman i.

¹⁶Angka lobulobu dohot pandiloan angka na sompit i ro di angka emper humaliang di na tolu suhi tondong ni lobulobu i na nilampis dohot hau do i tuk humaliang, sian tano sahat ro di angka pandiloan, angka pandiloan pe tahe pola tarlampis do.

¹⁷Tungkan ginjang ni pintu i jala sahat tu bagas parbagasan i boti tu ruar, boti mangoriori sandok dorpi tuk humaliang di bagasan dohot di ruar marungkur be do. II.

¹⁸Jala nunga dijadihon hian angka kerubim dohot gorga harambir, sai sada harambir di holangholang ni dua kerubim, jala mardua bohi do kerubim i.

¹⁹Bohi jolma tahe maradophon harambir sambariba on, jala bohi singa maradophon harambir sambariba i; tarjadi do songon i di sandok joro i tuk humaliang.

²⁰Olat ni tano sahat ro di atas ni pintu i do tarjadi angka kerubim dohot harambir, laos songon i di dorpi ni joro i.

²¹Maropat suhi do angka tiang ni joro i jala adopan ni habadiaon i, sisada rupa do idaon.

²²Ia * langgatan hau tolu asta timbona, jala unjurna dua asta jala marsuhisuhi do ibana, jala unjurna dohot dorpina sian hau do; dung i ro ma hatana tu ahu: On ma meja na di adopan ni Jahowa. [448†]

²³Jala dua hinsuhinsu be di joro dohot di habadiaon i.

²⁴Jala dua hinsuhinsu di ganup pintu, dua hinsuhinsu na mordong humaliang, dua do di pintu na sada, laos dua hinsuhinsu di na sadanari. [449†]

²⁵Tarjadi do huhut di nasida, lohot di hinsuhinsu ni joro i angka kerubim dohot harambir, suang songon na tarjadi di angka dorpi, jala adong sada lobulobu hau tungkan emper i sian ruar.

²⁶Adong huhut pandiloan angka na sompit dohot harambir angkupangkup hombarhon lambung ni emper i dohot angka bilut emper ni bagas i ro di angka sumban.